Raiymbek pen Kegen aýdanynda kartop óndirýshilerge qoldaý kórsetilmek
Ótken jyly Memleket basshysynyń Jarlyǵymen Raiymbek aýdanyn bólý arqyly Raiymbek jáne Kegen aýdandary qurylǵan bolatyn. Raiymbek aýdanynda ótken jyldan beri ónerkásiptik kartop óndirisi damytyla bastady.
Bul týraly Almaty oblysynyń ákimi Amandyq Batalovtyń esep berý jiynynda belgili boldy, - dep habarlaidy Almaty oblysy ákiminiń baspasóz qyzmeti.
Kartop óndirisin damytý úshin 26 birlik tehnika men kartoptyń elitalyq tuqymdary satyp alynyp, eki servistik-daiyndaý ortalyǵy quryldy.
Alǵashqy 100 gektarda ónimdilik 300 tsentnerdi qurady, bul burynǵydan 2 ese joǵary (187 ts/ga).
Oblys ákimi eki aýdannyń damýyna oblystyń barlyq aýdan, qalalary óz úlesterin qosyp jatqanyn atap ótti. Sonymen qatar barlyq basqarý organdary qurylyp, ákimshilik ǵimarattary men áleýmettik nysandarynyń qaita qalpyna keltirilgeni, halyqtyń kóshi-qony turaqtanǵany aityldy.
Sonyń nátijesinde 700-ge jýyq adam óz týǵan jerlerine qaita oraldy.
