وتكەن جىلى مەملەكەت باسشىسىنىڭ جارلىعىمەن رايىمبەك اۋدانىن ءبولۋ ارقىلى رايىمبەك جانە كەگەن اۋداندارى قۇرىلعان بولاتىن. رايىمبەك اۋدانىندا وتكەن جىلدان بەرى ونەركاسىپتىك كارتوپ ءوندىرىسى دامىتىلا باستادى.
بۇل تۋرالى الماتى وبلىسىنىڭ اكىمى اماندىق باتالوۆتىڭ ەسەپ بەرۋ جيىنىندا بەلگىلى بولدى، - دەپ حابارلايدى الماتى وبلىسى اكىمىنىڭ باسپا ءسوز قىزمەتى.
كارتوپ ءوندىرىسىن دامىتۋ ءۇشىن 26 بىرلىك تەحنيكا مەن كارتوپتىڭ ەليتالىق تۇقىمدارى ساتىپ الىنىپ، ەكى سەرۆيستىك-دايىنداۋ ورتالىعى قۇرىلدى.
العاشقى 100 گەكتاردا ونىمدىلىك 300 سەنتنەردى قۇرادى، بۇل بۇرىنعىدان 2 ەسە جوعارى (187 س/گا).
وبلىس اكىمى ەكى اۋداننىڭ دامۋىنا وبلىستىڭ بارلىق اۋدان، قالالارى ءوز ۇلەستەرىن قوسىپ جاتقانىن اتاپ ءوتتى. سونىمەن قاتار بارلىق باسقارۋ ورگاندارى قۇرىلىپ، اكىمشىلىك عيماراتتارى مەن الەۋمەتتىك نىساندارىنىڭ قايتا قالپىنا كەلتىرىلگەنى، حالىقتىڭ كوشى-قونى تۇراقتانعانى ايتىلدى.
سونىڭ ناتيجەسىندە 700-گە جۋىق ادام ءوز تۋعان جەرلەرىنە قايتا ورالدى.
