- Bir dúńkigen, qolapaisyz dúnie bar bizde, sondyqtan qatardaǵy qazaqstandyqtarmen qatar sarapshylar da ony elemei qala almaidy. Bul - qazirgi úsh deńgeili zeinetaqy júiesiniń tiimsizdigi. Ókinishke qarai, meniń oiymsha, bul zeinetaqy júiesine degen halyqtyń senimi keremet emes. Biz úsh deńgei boiynsha esep jariialaimyz, shyndyǵynda ondaǵy aqshanyń 92 protsenti biýdjetten keledi. Mindetti jinaqtaýshy bólikti alaiyq, biylǵy jyldyń birinshi jartyjyldyǵyndaǵy onyń naqty tabysy nebári 0,09% quraidy. Bul tsifr basqasyn bilmeimin, meni qatty tań qaldyrdy. Tómen rentabeldilik, qaýipsizdik deńgeii tómen bolǵandyqtan, bul árine salymshylardyń osy zeinetaqy júiesine degen seniminiń tómendeýine alyp keledi, - dedi Raqym Oshaqbaev Ulttyq qoǵamdyq senim keńesinde.
Onyń aitýynsha, jylyna jumys isteitin 8 mln azamattyń 2,5 milliony jylyna 12 ret turaqty túrde zeinetaqy jarnasyn aýdarady, onda da olardyń 63 protsentiniń kórsetken jalaqysy eń tómengi jalaqy mólsherinen de kem.
- Jinaq kólemi de tómen dep oilaimyn. Mysaly, bizdegi 6,6 million adamnyń jinaǵy 1 mln teńgege deiingi aralyqty qamtidy. Al 282 myńnan astam adamnyń jinaǵy - 5 million teńgeden astam. Iaǵni, 21 jyl ishinde mindetti qarjylandyrý elementi sol kúii shyndap jumysqa kirispegen sekildi. Sondyqtan da biz osy sandarǵa nazar aýdartqymyz keledi, - dedi sarapshy.
Ol Eńbek jáne halyqty áleýmettik qorǵaý ministrligi jáne Ulttyq ekonomika ministrligimen birigip jumys tobyn qurý qai júie jaqsy jumys istei alatynyn synap-kórýde jańa múmkindikterge jol ashatynyn aitty
- Osy arada myna nársege basa nazar aýdarta ketkim keledi: "BJZQ" AQ-tyń ashylyp ketken aranyna, tábeti jaqsy-aq. Olar jumys istegen bir jyldyń ishinde zeinetaqy aktivterin basqarmasa da ony basqardyq dep 45 milliard teńge komissiia sypyryp alǵan. Olardyń osylai alǵan komissiiasynyń jalpy jiyntyǵy 60 mlrd teńgeni quraidy. Al ákimshilik shyǵyndarǵa dep jyl boiyna 20 mlrd teńgeni ustapty. Túsinesiz be, 20 milliard teńge (!). Ol qandai ákimshilik shyǵyndar, múlde aqylǵa syimaidy, ony men kóz aldyma elestete alar emespin. Mysaly, salystyryp qarańyzdar, elimizdiń búkil qarjy júiesin basqaratyn Qarjy ministrliginiń ákimshilik shyǵyndar quramy nebári 6 milliard teńgeni quraidy. Al bul arada 3 ese, 20 milliard teńge týraly sóz bolýda.Demek, Esep komitetiniń baqylaýynan tys BJZQ oiyna kelgenin isteýde. Sondyqtan biz bul qorlardaǵy barlyq aqshany bir áleýmettik saqtandyrý qoryna biriktirý týraly usynysty qýana qabyl aldyq, - dep túiindedi óz sózin Raqym Oshaqbaev.
