- ءبىر دۇڭكيگەن، قولاپايسىز دۇنيە بار بىزدە، سوندىقتان قاتارداعى قازاقستاندىقتارمەن قاتار ساراپشىلار دا ونى ەلەمەي قالا المايدى. بۇل - قازىرگى ءۇش دەڭگەيلى زەينەتاقى جۇيەسىنىڭ تيىمسىزدىگى. وكىنىشكە قاراي، مەنىڭ ويىمشا، بۇل زەينەتاقى جۇيەسىنە دەگەن حالىقتىڭ سەنىمى كەرەمەت ەمەس. ءبىز ءۇش دەڭگەي بويىنشا ەسەپ جاريالايمىز، شىندىعىندا ونداعى اقشانىڭ 92 پروسەنتى بيۋدجەتتەن كەلەدى. مىندەتتى جيناقتاۋشى بولىكتى الايىق، بيىلعى جىلدىڭ ءبىرىنشى جارتىجىلدىعىنداعى ونىڭ ناقتى تابىسى نەبارى 0،09% قۇرايدى. بۇل سيفر باسقاسىن بىلمەيمىن، مەنى قاتتى تاڭ قالدىردى. تومەن رەنتابەلدىلىك، قاۋىپسىزدىك دەڭگەيى تومەن بولعاندىقتان، بۇل ارينە سالىمشىلاردىڭ وسى زەينەتاقى جۇيەسىنە دەگەن سەنىمىنىڭ تومەندەۋىنە الىپ كەلەدى، - دەدى راقىم وشاقبايەۆ ۇلتتىق قوعامدىق سەنىم كەڭەسىندە.
ونىڭ ايتۋىنشا، جىلىنا جۇمىس ىستەيتىن 8 ملن ازاماتتىڭ 2،5 ميلليونى جىلىنا 12 رەت تۇراقتى تۇردە زەينەتاقى جارناسىن اۋدارادى، وندا دا ولاردىڭ 63 پروسەنتىنىڭ كورسەتكەن جالاقىسى ەڭ تومەنگى جالاقى مولشەرىنەن دە كەم.
- جيناق كولەمى دە تومەن دەپ ويلايمىن. مىسالى، بىزدەگى 6،6 ميلليون ادامنىڭ جيناعى 1 ملن تەڭگەگە دەيىنگى ارالىقتى قامتيدى. ال 282 مىڭنان استام ادامنىڭ جيناعى - 5 ميلليون تەڭگەدەن استام. ياعني، 21 جىل ىشىندە مىندەتتى قارجىلاندىرۋ ەلەمەنتى سول كۇيى شىنداپ جۇمىسقا كىرىسپەگەن سەكىلدى. سوندىقتان دا ءبىز وسى ساندارعا نازار اۋدارتقىمىز كەلەدى، - دەدى ساراپشى.
ول ەڭبەك جانە حالىقتى الەۋمەتتىك قورعاۋ مينيسترلىگى جانە ۇلتتىق ەكونوميكا مينيسترلىگىمەن بىرىگىپ جۇمىس توبىن قۇرۋ قاي جۇيە جاقسى جۇمىس ىستەي الاتىنىن سىناپ-كورۋدە جاڭا مۇمكىندىكتەرگە جول اشاتىنىن ايتتى
- وسى ارادا مىنا نارسەگە باسا نازار اۋدارتا كەتكىم كەلەدى: "بجزق" اق-تىڭ اشىلىپ كەتكەن ارانىنا، تابەتى جاقسى-اق. ولار جۇمىس ىستەگەن ءبىر جىلدىڭ ىشىندە زەينەتاقى اكتيۆتەرىن باسقارماسا دا ونى باسقاردىق دەپ 45 ميلليارد تەڭگە كوميسسيا سىپىرىپ العان. ولاردىڭ وسىلاي العان كوميسسياسىنىڭ جالپى جيىنتىعى 60 ملرد تەڭگەنى قۇرايدى. ال اكىمشىلىك شىعىندارعا دەپ جىل بويىنا 20 ملرد تەڭگەنى ۇستاپتى. تۇسىنەسىز بە، 20 ميلليارد تەڭگە (!). ول قانداي اكىمشىلىك شىعىندار، مۇلدە اقىلعا سىيمايدى، ونى مەن كوز الدىما ەلەستەتە الار ەمەسپىن. مىسالى، سالىستىرىپ قاراڭىزدار، ەلىمىزدىڭ بۇكىل قارجى جۇيەسىن باسقاراتىن قارجى مينيسترلىگىنىڭ اكىمشىلىك شىعىندار قۇرامى نەبارى 6 ميلليارد تەڭگەنى قۇرايدى. ال بۇل ارادا 3 ەسە، 20 ميلليارد تەڭگە تۋرالى ءسوز بولۋدا.دەمەك، ەسەپ كوميتەتىنىڭ باقىلاۋىنان تىس بجزق ويىنا كەلگەنىن ىستەۋدە. سوندىقتان ءبىز بۇل قورلارداعى بارلىق اقشانى ءبىر الەۋمەتتىك ساقتاندىرۋ قورىنا بىرىكتىرۋ تۋرالى ۇسىنىستى قۋانا قابىل الدىق، - دەپ تۇيىندەدى ءوز ءسوزىن راقىم وشاقبايەۆ.
