Sheshenstan basshysy Ramzan Qadyrov jańa orden alǵanyn málimdedi. Bul týraly ol óziniń resmi Telegram arnasynda jazdy, dep habarlaidy Dalanews.kz.
Ramzan Qadyrov Tsement óndirýshiler odaǵynyń atqarýshy direktory Daria Martynkinamen jumys kezdesýin ótkizgen. Kezdesý barysynda "Chechentsement" aktsionerlik qoǵamyn jańǵyrtý, óndiris qýatyn keńeitý jáne óńirdegi salany damytý máseleleri talqylanǵan.
"Daria Martynkinanyń qolynan I dárejeli "Reseidiń tsement ónerkásibin damytýǵa qosqan erekshe úlesi úshin" ordenin alǵanyma qýanyshtymyn. Osyndai joǵary baǵa úshin alǵys aitamyn. Óz tarapymyzdan josparlanǵan jobalardy júzege asyryp, salany ári qarai damytýǵa bar kúshimizdi salamyz", - dedi ol.
Aita keteiik, Ramzan Qadyrovtyń resmi Telegram arnasyna shamamen eki million adam jazylǵan.
