Jyl basynan beri radikaldy kózqarasty ustanǵan 145 sheteldik azamat el aýmaǵynan shyǵarylǵan. Bul týraly Astanada ótken Túrki memleketteri uiymyna múshe elderdiń ishki ister ministrleriniń kezdesýinde aityldy, dep habarlaidy dalanews.kz.
Jiynda transulttyq uiymdasqan qylmysqa, ekstremizm men terrorizmge qarsy is-qimyl máseleleri talqylanǵan. IIM málimetinshe, halyqaralyq yntymaqtastyq nátijesinde birqatar qylmysqa qatysy bar adamdar ustalǵan.
"Ázerbaijannyń quqyq qorǵaý organdary Qazaqstan tarapynyń suraýy boiynsha Bakýde dini radikaldy ustady. Ózbekstanda terrorizmdi nasihattaǵany jáne uiymdasqan qylmystyq topqa qatysqany úshin Qazaqstan izdeý jariialaǵan adam, al Qyrǵyzstanda áleýmettik arazdyqty qozdyrǵany úshin izdeýde júrgen adam ustaldy", - dep jazylǵan habarlamada.
Sonymen qatar, Ystambulda Qazaqstan azamatynyń ólimine qatysty qylmys ashylǵan.
"Búginde qaýip-qater bir eldiń shekarasymen shektelmeidi. Sondyqtan qyzmetterimiz arasyndaǵy tikelei bailanys pen aqparatty ýaqtyly almasýdyń mańyzy erekshe", - dep málimdedi ishki ister ministri Erjan Sádenov.
