Qyzylorda oblysynda 14 jyl buryn bolǵan kisi ólimine qatysty qylmys ashyldy, dep habarlaidy dalanews.kz.
Qaiǵyly oqiǵa 2012 jyly qazanda Qarmaqshy aýdanyndaǵy Josaly kentinde bolǵan. Sol kezde toptyq tóbeles barysynda jasóspirim pyshaq jaraqatyn alyp, aýrýhanaǵa jetkizilgen. Alaida dárigerler onyń ómirin saqtap qala almaǵan.
Oqiǵadan keiin tóbeleske qatysqandar tekserilgenimen, naqty aiǵaqtar men kýágerler bolmaýyna bailanysty is uzaq ýaqyt ashylmai qalǵan.
IIM málimetinshe, biyl jedel tergeý toby isti qaita qarap, basty kýágerdi anyqtaǵan. Sonyń nátijesinde kúdiktige shyqqan politseiler onyń sol tóbeleske qatysqanyn anyqtaǵan. Kúdikti qazir basqa aýyr qylmys úshin jazasyn ótep jatyr.
Ol Qyzylorda qalasyndaǵy tergeý izoliatoryna jetkizilgen. Tergeý kezinde ol kinásin moiyndaǵan. Aldyn ala málimet boiynsha qylmysqa jastar arasyndaǵy janjal sebep bolǵan.
Qylmystyq is sotqa joldandy.
