Qytaida 30 jastaǵy Mahmýthan Shernazarov esimdi Qazaqstan azamaty ustalǵan. Ol densaýlyqqa qasaqana aýyr ziian keltirdi degen kúdikke ilingen, dep habarlaidy dalanews.kz.
Alaida, týystarynyń aitýynsha, beinejazbada er adamǵa bir top adam shabýyl jasaǵany kórinedi. Olardyń sózinshe, Mahmýthan tek ózin qorǵaýǵa áreket etken. Oqiǵa saldarynan Qytai azamaty kóz jumǵan.
Qazaqstannyń Syrtqy ister ministrligi bul aqparatty rastaǵan. Vedomstvo málimetinshe, istiń mán-jaiyn anyqtaý úshin Qytaidyń tiisti organdaryna saýal joldanǵan.
Mahmýthan Shernazarovtyń jaqyndary tergeý ádil ári jan-jaqty júrgizilýin surap otyr. Olar er adamnyń áreketi ózin-ózi qorǵaý maqsatynda jasalǵanyn alǵa tartady.
Týystarynyń aitýynsha, ol Qytaiǵa otbasyn asyraý úshin jumys isteýge barǵan.
