Resei prezidenti Vladimir Pýtin Qytaiǵa sapary barysynda Máskeý men Beijiń arasynda shamamen 40 birlesken qujatqa qol qoiylǵanyn aitty, dep habarlaidy dalanews.kz.
Ol bul týraly Beijińdegi Halyq jinalysy úiinde ótken qujattarǵa qol qoiý rásiminde málimdedi. Pýtinniń sózinshe, taraptar vedomstvoaralyq, úkimetaralyq jáne korporativtik deńgeidegi aýqymdy qujattar paketin qabyldaǵan.
«Vedomstvoaralyq, úkimetaralyq jáne korporativtik qujattardyń aýqymdy paketi jasaldy. Jalpy sany shamamen 40 qujat. Onyń bir bóligi dál osy jerde qol qoiyldy», – dedi Resei prezidenti.
Resei basshysy Máskeý men Beijińniń bir-biri úshin mańyzdy saýda seriktesteri ekenin de atap ótti. Buǵan deiin, 18 mamyr kúni Resei prezidentiniń kómekshisi Iýrii Ýshakov 19-20 maýsymda ótetin Qytaiǵa resmi sapar barysynda shamamen 40 ekijaqty qujatqa qol qoiylatynyn habarlaǵan edi.
Vladimir Pýtin Beijińge 19 mamyr keshinde barǵan. Resei prezidentiniń sapary memleketaralyq bailanystardyń negizin qalaǵan tatý kórshilik, dostyq jáne yntymaqtastyq týraly kelisimniń 25 jyldyǵyna orailastyrylǵan.
