Qytai ǵalymdary «jasandy Kún» jasaý jolyndaǵy mańyzdy kezeńnen ótip, termoiadrolyq reaktorǵa arnalǵan eki negizgi asa ótkizgish magnitti ázirleýdi aiaqtady, dep habarlaidy dalanews.kz.
Olardyń biri – uzyndyǵy 21 metr, salmaǵy 582 tonna bolatyn álemdegi eń iri toroidtyq magnit. Qurylǵylar synaqtan sátti ótip, bolashaqtaǵy tájiribelik termoiadrolyq qondyrǵyda qoldanýǵa tolyq daiyn dep tanyldy.
Ázirleýshilerdiń málimetinshe, magnitter tolyqtai Qytaidyń tehnologiialyq bazasynda jasalǵan. Joba aiasynda asa ótkizgish materialdardan bastap, kúrdeli óndiristik protsesterge deiin ulttyq tehnologiialar paidalanylǵan.
Bul magnitterdiń negizgi mindeti – temperatýrasy 100 million gradýstan asatyn plazmany turaqty ustap turý jáne termoiadrolyq sintez reaktsiiasyn iske qosýǵa múmkindik berý.
Mamandardyń aitýynsha, magnitterdiń sátti ázirlenýi joba aiasyndaǵy eń kúrdeli injenerlik mindetterdiń shamamen 80 paiyzyn oryndaýǵa jol ashty.
Endigi kezeńde reaktordy qurastyrý jumystary júrgizilip, uzaq merzimdi synaqtar bastalady. Qytai tájiribelik termoiadrolyq reaktordyń qurylysyn 2027 jylǵa qarai aiaqtaýdy josparlap otyr. Al termoiadrolyq energiia óndirýdiń alǵashqy demonstratsiialyq synaqtary shamamen 2030 jylǵa josparlanǵan.
