Qyrǵyzstan biligi sheteldik memlekettik tirkeý nómiri bar kólikterdi zańdastyrýǵa qatysty sońǵy merzimdi jariialady. El prezidenti Sadyr Japarov tiisti jarlyqqa qol qoidy, dep habarlaidy dalanews.kz.
Qyrǵyzstandyq BAQ-tyń habarlaýynsha, kólikterin áli zańdastyrmaǵan azamattarǵa 2026 jylǵy 1 qyrkúiekke deiin máseleni sheshýdiń tórt nusqasy usynylǵan.
Olar:
- qosymsha ári túpkilikti zańdastyrý rásiminen ótý;
- kólikti Qyrǵyzstan aýmaǵynan shyǵarý;
- avtokólikti qosalqy bólshekterge satý;
- kólikti kádege jaratýǵa tapsyrý.
Bilik ókilderiniń málimdeýinshe, eger kólik buryn zańdastyrylyp, Qyrǵyzstannyń «10 óńir» seriialy memlekettik nómirin alǵan bolsa, ielerine alańdaýdyń qajeti joq. Mundai kólikter tolyq zańdastyrylǵan bolyp esepteledi jáne olardy paidalanýǵa ruqsat beriledi.
Jańa jarlyq ártúrli sebeptermen zańdastyrý rásiminen ótpegen nemese úlgermegen kólik ielerine qatysty.
Qyrǵyzstan biligi 2026 jylǵy 1 qyrkúiekten keiin zańdastyrylmaǵan avtokólikter máselesi tolyq sheshilýi tiis ekenin atap ótti. Osy merzimnen keiin tiisti mártebesi joq kólikterdi paidalanýǵa tyiym salynbaq.
