Bishkek qalalyq soty Qyrǵyzstan Ulttyq qaýipsizdik memlekettik komitetiniń burynǵy tóraǵasy Kamchybek Tashievke qatysty «75 hat» isi boiynsha úkim shyǵardy. Sot otyrysy jabyq formatta ótti, dep habarlaidy dalanews.kz.
Jergilikti aqparat quraldarynyń málimetinshe, zań boiynsha úkim jariialaý ashyq ótýi tiis bolǵanymen, sot oryndaýshylary sheshim jariialanǵan zalǵa eshkimdi kirgizbegen.
Is boiynsha Tashievten bólek Qyrǵyzstannyń burynǵy bas prokýrory Kýrmanqul Zulýshev, eks-parlament spikeri Nurlanbek Turǵynbekuly jáne taǵy bes adam aiyptalýshy retinde ótken.
Bastapqyda olarǵa «bilikti kúshpen basyp alýǵa daiyndaldy» degen aiyp taǵylǵan. Keiin is qaita qaralyp, aiyp «azamattardyń sailaý quqyǵyn júzege asyrýyna kedergi keltirý» babyna ózgertilgen.
Sot Kamchybek Tashiev pen is boiynsha qalǵan aiyptalýshylardy kináli dep tanyp, árqaisysyn tórt jylǵa bas bostandyǵynan aiyrý jazasyna kesti. Alaida jaza eki jyldyq probatsiialyq baqylaýmen belgilengen.
Tashievtiń advokaty Ikramidin Aitqulovtyń aitýynsha, qoldanylǵan bap boiynsha sottalǵandardyń múlkin tárkileý qarastyrylmaǵan. «75 hat» isi Qyrǵyzstan qoǵamynda keń talqylanyp, sońǵy jyldardaǵy eń daýly saiasi isterdiń biri retinde baǵalanyp keledi.
