بٸشكەك قالالىق سوتى قىرعىزستان ۇلتتىق قاۋٸپسٸزدٸك مەملەكەتتٸك كوميتەتٸنٸڭ بۇرىنعى تٶراعاسى كامچىبەك تاشيەۆكە قاتىستى «75 حات» ٸسٸ بويىنشا ٷكٸم شىعاردى. سوت وتىرىسى جابىق فورماتتا ٶتتٸ, دەپ حابارلايدى dalanews.kz.
جەرگٸلٸكتٸ اقپارات قۇرالدارىنىڭ مەلٸمەتٸنشە, زاڭ بويىنشا ٷكٸم جارييالاۋ اشىق ٶتۋٸ تيٸس بولعانىمەن, سوت ورىنداۋشىلارى شەشٸم جارييالانعان زالعا ەشكٸمدٸ كٸرگٸزبەگەن.
ٸس بويىنشا تاشيەۆتەن بٶلەك قىرعىزستاننىڭ بۇرىنعى باس پروكۋرورى كۋرمانقۇل زۇلۋشەۆ, ەكس-پارلامەنت سپيكەرٸ نۇرلانبەك تۇرعىنبەكۇلى جەنە تاعى بەس ادام ايىپتالۋشى رەتٸندە ٶتكەن.
باستاپقىدا ولارعا «بيلٸكتٸ كٷشپەن باسىپ الۋعا دايىندالدى» دەگەن ايىپ تاعىلعان. كەيٸن ٸس قايتا قارالىپ, ايىپ «ازاماتتاردىڭ سايلاۋ قۇقىعىن جٷزەگە اسىرۋىنا كەدەرگٸ كەلتٸرۋ» بابىنا ٶزگەرتٸلگەن.
سوت كامچىبەك تاشيەۆ پەن ٸس بويىنشا قالعان ايىپتالۋشىلاردى كٸنەلٸ دەپ تانىپ, ەرقايسىسىن تٶرت جىلعا باس بوستاندىعىنان ايىرۋ جازاسىنا كەستٸ. الايدا جازا ەكٸ جىلدىق پروباتسييالىق باقىلاۋمەن بەلگٸلەنگەن.
تاشيەۆتٸڭ ادۆوكاتى يكراميدين ايتقۇلوۆتىڭ ايتۋىنشا, قولدانىلعان باپ بويىنشا سوتتالعانداردىڭ مٷلكٸن تەركٸلەۋ قاراستىرىلماعان. «75 حات» ٸسٸ قىرعىزستان قوعامىندا كەڭ تالقىلانىپ, سوڭعى جىلدارداعى ەڭ داۋلى ساياسي ٸستەردٸڭ بٸرٸ رەتٸندە باعالانىپ كەلەدٸ.
