Qyrǵyzstannyń kompozitory Qurmanǵazy Azyqbaev Qazaqstannyń burynǵy prezidenti Nursultan Nazarbaevtyń shyqqan tegi týraly pikir bildirdi, dep habarlaidy dalanews.kz.
Democrat.kz basylymyna suhbat bergen Azyqbaev Nazarbaevtyń anasy kezinde Qyrǵyzstanǵa turmysqa shyqqan, keiin otbasy Qazaqstanǵa qonys aýdarǵanyn jetkizdi. Osyǵan bailanysty ol burynǵy prezidenttiń qyrǵyz halqymen bailanysy bar degen oiyn ortaǵa saldy.
"Nursultan Nazarbaev – qyrǵyz. Onyń sheshesi kezinde Qyrǵyzstanǵa turmysqa shyqqan. Ol kezde jailaýymyz bir bolǵan. Keiin áke-sheshesi qazaq jaǵyna ketken. Bul sózime Nazarbaevtyń dombyra shertýin dálel deýge bolady. Bul qupiialardy buǵan deiin jasyryp, eshkimge aitpai júrdim", - dedi Qurmanǵazy Azyqbaev.
Sondai-aq kompozitor Nazarbaevtyń dombyra tartýyn, "Tumarym" ánine jáne qyrǵyzdyń kóne án-jyrlaryna qyzyǵýshylyǵyn óz pikirine dálel retinde keltirgen.
Budan bólek, Qurmanǵazy Azyqbaev Germaniiada júrgen kezinde Resei prezidenti Vladimir Pýtinmen bailanysy bolǵanyn da málimdedi.
