Almatyda qurylys kompaniialaryna baqylaý kúsheitildi, tórt kompaniia litsenziiasynan aiyryldy, taǵy 350 kompaniianyń litsenziiasy toqtatyldy, dep habarlaidy dalanews.kz.
Almaty ákimi Darhan Satybaldynyń tapsyrmasy boiynsha qalada qurylys salasyndaǵy tártipti qamtamasyz etýge baǵyttalǵan júieli jumystar jalǵasyp jatyr. Baqylaý is-sharalarynyń qorytyndysy boiynsha tórt kompaniia litsenziiasynan aiyryldy, taǵy 350 qurylys kompaniiasynyń litsenziiasy toqtatyldy. Sondai-aq, qurylys qyzmetimen ainalysatyn 437 sýbektige qatysty zańnamaǵa sáikes tiisti sharalar qabyldandy.
Áleýmettik mańyzy bar nysandardyń qurylysyn júzege asyratyn merdiger uiymdardyń qyzmetine erekshe nazar aýdaryldy.
SK BEST Spec Story KZ JShS jobalaý qyzmetiniń I sanattaǵy memlekettik litsenziiasynan aiyryldy. Sonymen qatar, "Otaý-Qurmet" JShS men "QazQSǴZI" AQ EU litsenziialarynan aiyryldy. Al "Sáýlet Qurylys Konsaltingi" JShS litsenziiasynyń qosalqy túriniń kúshi joiyldy.
Qala qurylysyn baqylaý basqarmasynyń ókilderi Almatyda óz biliktiligin dáleldei alatyn, belgilengen talaptardy saqtaityn jáne qurylys jumystarynyń sapasyn qamtamasyz etetin kompaniialar ǵana jumys istei alatynyn atap ótti.
