Quryltai sailaýy qarsańynda Qazaqstannyń Syrtqy ister ministrligi shetelde jumys isteitin sailaý ýchaskeleri týraly aqparat jariialady, dep habarlaidy dalanews.kz.
Ministrlik málimetinshe, ýchaskelik sailaý komissiialarynyń quramy, ornalasqan mekenjailary men jumys tártibi Qazaqstan Respýblikasy Syrtqy ister ministrliginiń resmi saitynda, sondai-aq elimizdiń sheteldegi elshilikteri men konsýldyqtarynyń internet-resýrstarynda jariialanǵan.
Biyl Qazaqstan azamattary elden tys ornalasqan 100-den astam sailaý ýchaskesinde daýys bere alady. Bul ýchaskeler dástúrli túrde Qazaqstannyń sheteldegi elshilikteri men bas konsýldyqtary janynan uiymdastyrylady.
Shetelde júrgen azamattar daýys berý úshin aldyn ala ózderi ornalasqan eldegi nemese eń jaqyn Qazaqstannyń diplomatiialyq ókildigine júginip, sailaýshylar tizimine engizilýi qajet. Sailaý kúni ózimen birge Qazaqstan Respýblikasy azamatynyń jaramdy tólqujaty bolýy mindetti.
Quryltai sailaýy 2026 jylǵy 23 tamyzda ótedi. Al saiasi partiialardyń sailaýaldy úgit-nasihat kezeńi 23 shildede bastalady.
Aita keteiik, bul sailaý 2026 jylǵy 1 shildede kúshine engen konstitýtsiialyq reformalardyń nátijesinde qurylǵan jańa bir palataly parlament – Quryltaidyń alǵashqy quramyn aiqyndaidy. Sailaýǵa Ortalyq sailaý komissiiasy tirkegen saiasi partiialar qatysady.
