قۇرىلتاي سايلاۋى قارساڭىندا قازاقستاننىڭ سىرتقى ٸستەر مينيسترلٸگٸ شەتەلدە جۇمىس ٸستەيتٸن سايلاۋ ۋچاسكەلەرٸ تۋرالى اقپارات جارييالادى, دەپ حابارلايدى dalanews.kz.
مينيسترلٸك مەلٸمەتٸنشە, ۋچاسكەلٸك سايلاۋ كوميسسييالارىنىڭ قۇرامى, ورنالاسقان مەكەنجايلارى مەن جۇمىس تەرتٸبٸ قازاقستان رەسپۋبليكاسى سىرتقى ٸستەر مينيسترلٸگٸنٸڭ رەسمي سايتىندا, سونداي-اق ەلٸمٸزدٸڭ شەتەلدەگٸ ەلشٸلٸكتەرٸ مەن كونسۋلدىقتارىنىڭ ينتەرنەت-رەسۋرستارىندا جارييالانعان.
بيىل قازاقستان ازاماتتارى ەلدەن تىس ورنالاسقان 100-دەن استام سايلاۋ ۋچاسكەسٸندە داۋىس بەرە الادى. بۇل ۋچاسكەلەر دەستٷرلٸ تٷردە قازاقستاننىڭ شەتەلدەگٸ ەلشٸلٸكتەرٸ مەن باس كونسۋلدىقتارى جانىنان ۇيىمداستىرىلادى.
شەتەلدە جٷرگەن ازاماتتار داۋىس بەرۋ ٷشٸن الدىن الا ٶزدەرٸ ورنالاسقان ەلدەگٸ نەمەسە ەڭ جاقىن قازاقستاننىڭ ديپلوماتييالىق ٶكٸلدٸگٸنە جٷگٸنٸپ, سايلاۋشىلار تٸزٸمٸنە ەنگٸزٸلۋٸ قاجەت. سايلاۋ كٷنٸ ٶزٸمەن بٸرگە قازاقستان رەسپۋبليكاسى ازاماتىنىڭ جارامدى تٶلقۇجاتى بولۋى مٸندەتتٸ.
قۇرىلتاي سايلاۋى 2026 جىلعى 23 تامىزدا ٶتەدٸ. ال ساياسي پارتييالاردىڭ سايلاۋالدى ٷگٸت-ناسيحات كەزەڭٸ 23 شٸلدەدە باستالادى.
ايتا كەتەيٸك, بۇل سايلاۋ 2026 جىلعى 1 شٸلدەدە كٷشٸنە ەنگەن كونستيتۋتسييالىق رەفورمالاردىڭ نەتيجەسٸندە قۇرىلعان جاڭا بٸر پالاتالى پارلامەنت – قۇرىلتايدىڭ العاشقى قۇرامىن ايقىندايدى. سايلاۋعا ورتالىق سايلاۋ كوميسسيياسى تٸركەگەن ساياسي پارتييالار قاتىسادى.
