Qazaqstanda Quryltai sailaýyn ótkizýge ketetin shyǵyn jańa Konstitýtsiia boiynsha ótken referendýmnan da qymbat bolýy múmkin, dep habarlaidy dalanews.kz.
Bul týraly Ortalyq sailaý komissiiasynyń hatshysy Shavkat Ótemisov parlament palatalarynyń birlesken otyrysynda aitty.
Onyń sózinshe, qazirgi tańda naqty somany aitý múmkin emes, sebebi bári sailaý kúniniń qashan belgilenetinine bailanysty bolady.
«Qymbat bolady dep oilaimyz. Biraq qazir naqty tsifr aitý qiyn. Barlyǵy Quryltai sailaýynyń qashan ótetinine bailanysty», - dedi Ótemisov.
OSK ókili naqty data bekitilgennen keiin ǵana tolyq esep júrgiziletinin aitty. Onyń ishinde sailaý komissiiasy músheleriniń eńbekaqysy da esepteledi.
Ótemisovtiń aitýynsha, sailaý ótkizý kezindegi eń úlken shyǵyndardyń biri dál osy komissiia músheleriniń jalaqysyna ketedi. Sondyqtan ázirge naqty biýdjet kólemi jariialanbai otyr.
Aita keteiik, buǵan deiin Qazaqstandaǵy jańa Konstitýtsiia boiynsha ótken respýblikalyq referendýmǵa 20,65 mlrd teńge jumsalǵan edi.
