قازاقستاندا قۇرىلتاي سايلاۋىن ٶتكٸزۋگە كەتەتٸن شىعىن جاڭا كونستيتۋتسييا بويىنشا ٶتكەن رەفەرەندۋمنان دا قىمبات بولۋى مٷمكٸن, دەپ حابارلايدى dalanews.kz.
بۇل تۋرالى ورتالىق سايلاۋ كوميسسيياسىنىڭ حاتشىسى شاۆكات ٶتەمٸسوۆ پارلامەنت پالاتالارىنىڭ بٸرلەسكەن وتىرىسىندا ايتتى.
ونىڭ سٶزٸنشە, قازٸرگٸ تاڭدا ناقتى سومانى ايتۋ مٷمكٸن ەمەس, سەبەبٸ بەرٸ سايلاۋ كٷنٸنٸڭ قاشان بەلگٸلەنەتٸنٸنە بايلانىستى بولادى.
«قىمبات بولادى دەپ ويلايمىز. بٸراق قازٸر ناقتى تسيفر ايتۋ قيىن. بارلىعى قۇرىلتاي سايلاۋىنىڭ قاشان ٶتەتٸنٸنە بايلانىستى», - دەدٸ ٶتەمٸسوۆ.
وسك ٶكٸلٸ ناقتى داتا بەكٸتٸلگەننەن كەيٸن عانا تولىق ەسەپ جٷرگٸزٸلەتٸنٸن ايتتى. ونىڭ ٸشٸندە سايلاۋ كوميسسيياسى مٷشەلەرٸنٸڭ ەڭبەكاقىسى دا ەسەپتەلەدٸ.
ٶتەمٸسوۆتٸڭ ايتۋىنشا, سايلاۋ ٶتكٸزۋ كەزٸندەگٸ ەڭ ٷلكەن شىعىنداردىڭ بٸرٸ دەل وسى كوميسسييا مٷشەلەرٸنٸڭ جالاقىسىنا كەتەدٸ. سوندىقتان ەزٸرگە ناقتى بيۋدجەت كٶلەمٸ جارييالانباي وتىر.
ايتا كەتەيٸك, بۇعان دەيٸن قازاقستانداعى جاڭا كونستيتۋتسييا بويىنشا ٶتكەن رەسپۋبليكالىق رەفەرەندۋمعا 20,65 ملرد تەڭگە جۇمسالعان ەدٸ.
