Jiynda sóz alǵan óńir basshysy aýdanymyzdyń ekonomikasy men áleýmettik deńgeiiniń kóterilýin qurylystyń qarqyn alǵanynan baiqaýǵa bolatyndyǵyna toqtaldy.
– Qurylystyń qarqyndy júrýi memlekettiń ekonomikasyn, áleýmettik deńgeiin kórsetedi. Bul salanyń mamandary qashanda izdeniste júredi. Sizder salǵan ǵimarat, nysandardyń igiligin jurt kórýde. Bizdiń aýdanymyzda da bilim, mádeniet, densaýlyq saqtaý, turǵyn úi, jol jáne kommýnaldyq salalarda aǵymdaǵy jáne kúrdeli qurylys jumystary júrip jatyr. Bulardyń barlyǵy – aýdandaǵy qurysh qoldy qurylysshylardyń eren eńbekteriniń arqasy, – dedi Jamantai Qanaiuly.
Sońǵy jyldary aýdanymyzda kóptegen nysandar boi kóterýde. Sonyń arqasynda jyl saiyn el igiligine paidalanýǵa berilgen jańa ǵimarattar sany da artyp keledi. Osy jumystardyń júzege asyrylýynda qurylysshylardyń orny men mańyzy erekshe ekeni sózsiz.
Jiyn barysynda birqatar azamat aýdan ákiminiń Alǵys hatymen marapattaldy. Sondai-aq, shara barysynda jetisailyq qurylys kompaniiasy «Núrli-L-Jetisai» JShS-ne Ulttyq biznes reitingi jónindegi respýblikalyq baiqaýdyń qortyndysymen «Jyl kóshbasshysy» nominatsiiasy tabys etildi. Atalǵan mekeme basshysy Murat Ámirbekulyna úzdik sala basshysy retinde «Jyldyń úzdik kóshbasshysy» sertifikaty qosa berildi.
Budan bólek, atalǵan mekemeniń bas esepshisi Kim Anitaǵa qarjy jáne aýdit salasy boiynsha «Jyl kóshbasshysy», mekeme basshysy Murat Ámirbekulyna «Jyl kásipqoiy», bas injener Nurmahan Turǵynovqa, óndiristik- tehnikalyq bólim bastyǵy Muhtar Ahmetovke «Eńbek sińirgen qurylysshy» tósbelgileri taǵyldy. Merekelik shara sońy kontserttik baǵdarlamaǵa ulasty.
Jetisai aýdany ákiminiń baspasóz qyzmeti
