Quryltai depýtattaryna ministrlerdi qyzmetinen bosatýdy talap etý quqyǵy berilmek, dep habarlaidy Dalanews.kz.
Bul týraly Konstitýtsiialyq reforma jónindegi komissiianyń ekinshi otyrysynda senator Nurlan Beknazarov málimdedi.
Onyń aitýynsha, Quryltai depýtattarynyń keminde úshten biri Úkimet músheleriniń qyzmeti boiynsha esepterin tyńdaý týraly bastama jasai alady. Al zańdar oryndalmaǵan jaǵdaida esepti tyńdaý qorytyndysy boiynsha Úkimet múshesin qyzmetinen bosatý týraly usynyspen júginýge múmkindik bolady.
Senatordyń sózinshe, mundai jaǵdaida Úkimet múshesin qyzmetinen bosatý týraly sheshimdi Prezident qabyldaidy. Sonymen qatar, Quryltai depýtattaryna Prezidenttiń usynýymen Joǵarǵy sot sýdialaryn sailaý jáne olardy qyzmetinen bosatý quqyǵyn berý kózdelip otyr.
Sondai-aq, Konstitýtsiiadaǵy Májilis depýtattarynyń Úkimetke senimsizdik bildirý quqyǵyn Quryltaiǵa berý usynylady. Buǵan qosa, Konstitýtsiialyq sottyń jyl saiynǵy esebin jáne Joǵary aýditorlyq palatanyń (JAP) biýdjet oryndalýy týraly jylyna eki ret beriletin esebin tyńdaý ókilettigi quryltaidyń quzyretinde qalmaq.
Nurlan Beknazarovtyń aitýynsha, Quryltaidyń bul esepti qabyldamaýy Úkimetke senimsizdik bildirý retinde baǵalanady.
