Qaraǵandy oblysynda jasyryn esirtki zerthanasy joıyldy, dep habarlaıdy Dalanews.kz.
26 aqpanda Qaraǵandy oblysy esirtki qylmysyna qarsy is-qımyl basqarmasynyń qyzmetkerleri óńir aýmaǵynda sıntetıkalyq esirtki óndirýmen aınalysqan jasyryn esirtki zerthanasynyń qyzmetin toqtatty.
"Jedel is-sharalar barysynda kúdikti ustaldy. Onyń turǵylyqty jerin tintý kezinde daıyn esirtki zaty men prekýrsorlar quıylǵan kanıstrler, túrli jabdyqtar jáne hımıalyq reagentter tárkilendi. Jalpy alǵanda 40 keli daıyn esirtki jáne shamamen 5 tonna prekýrsordyń zańsyz aınalymǵa túsýine jol berilmedi. Olardyń quny 2 mln AQSH dollarynan asady. Aldyn ala málimet boıynsha kúdikti Telegram arnalardyń biriniń kýratorymen baılanysta bolǵan. Al daıyn ónimdi oblys aýmaǵynda taratýdy kózdegen. Qazir tergeý áreketteri jalǵasyp jatyr", - dedi polısıa.
