Jangeldin aýylynda tórt adamnan turatyn otbasynyń ólimine qatysty ótip jatqan sotta aiyptalýshy Sultan Sársemálievtiń ata-anasy kýá retinde jaýap berdi, dep habarlaidy dalanews.kz.
Atyraý oblysynyń qylmystyq ister jónindegi mamandandyrylǵan aýdanaralyq sotynda atyshýly is boiynsha kýágerlerden jaýap alý bastaldy. Jalpy is aiasynda 26 kýágerden jaýap alý josparlanǵan. Onyń 17-si túski úziliske deiin sotqa shaqyrylýy tiis bolǵan.
Sotta aiyptalýshynyń anasy Gúlnar Azmuhanova kýá retinde shaqyryldy. Ol sotta suraqtarǵa jaýap berýden bas tartty. Osyǵan bailanysty sýdia onyń tergeý kezinde bergen jaýabyn oqyp berdi. Áiel burynǵy jaýaptaryn tolyq rastady.
Sot zalynan shyǵar aldynda Gúlnar Azmuhanova ulyna sóz aitýǵa ruqsat surady. Ol Sultanǵa bes balasy bar ekenin, qandai jaǵdai bolsa da, olar úshin áke bolyp qala beretinin aitty.
"Sen bul ómirdiń qýanyshyn kórmediń. Ómir boiy kúresip keldiń. Myqty bol. Ómir úshin kúres. Men balalaryńa olardyń ákesi bar ekenin aityp otyramyn", – dedi anasy.
