QR oqý-aǵartý mınıstrliginiń qoldaýymen Jylyoı aýdanynda sý tasqynynan zardap shekken otbasynyń balalary «Baldáýren» oqý- saýyqtyrý lagerinde demalýda. 4 mamyrdan bastap, barlyǵy 20 kúnge 146 oqýshy demalys lagerine attandy, dep habarlaıdy Dalanews.kz.
«Qazirgi ýaqytta oqýshylar Túrkistan, Balqash, Shýchınsk qalasynda jáne Býrabaıda demalýda ári oqýlaryn sol jerde jalǵastyrýda. Maýsym aıynda taǵy 35 oqýshyny atalǵan demalys orynǵa jiberý josparlanýda» deıdi Jylyoı aýdany bilim bólimi basshysynyń m.a Gúljansara Qalıqyzy.
Sondaı-aq, jaz aılarynda evakýasıalanǵan jáne sý tasqynynan zardap shekken otbasynyń balalaryna kóńil bólý, qamqorlyq jasaý maqsatynda qalǵan oqýshylardy da oqý-saýyqtyrý, demalý lagerine jiberiledi.
Atap óterligi, oqýshylardyń jazǵy demalys jáne eńbek lagerleri maýsym aıynda ashylady. Biraq, Qulsary qalasynyń qazirgi jaǵdaıyna baılanysty bul óńirdiń oqýshylary úshin jazǵy lagerdiń maýsymyn erte bastaý týraly sheshim qabyldanǵan.
