ق ر وقۋ-اعارتۋ مينيسترلىگىنىڭ قولداۋىمەن جىلىوي اۋدانىندا سۋ تاسقىنىنان زارداپ شەككەن وتباسىنىڭ بالالارى «بالداۋرەن» وقۋ- ساۋىقتىرۋ لاگەرىندە دەمالۋدا. 4 مامىردان باستاپ، بارلىعى 20 كۇنگە 146 وقۋشى دەمالىس لاگەرىنە اتتاندى، دەپ حابارلايدى Dalanews.kz.
«قازىرگى ۋاقىتتا وقۋشىلار تۇركىستان، بالقاش، ششۋچينسك قالاسىندا جانە بۋرابايدا دەمالۋدا ءارى وقۋلارىن سول جەردە جالعاستىرۋدا. ماۋسىم ايىندا تاعى 35 وقۋشىنى اتالعان دەمالىس ورىنعا جىبەرۋ جوسپارلانۋدا» دەيدى جىلىوي اۋدانى ءبىلىم ءبولىمى باسشىسىنىڭ م.ا گۇلجانسارا قالي قىزى.
سونداي-اق، جاز ايلارىندا ەۆاكۋاسيالانعان جانە سۋ تاسقىنىنان زارداپ شەككەن وتباسىنىڭ بالالارىنا كوڭىل ءبولۋ، قامقورلىق جاساۋ ماقساتىندا قالعان وقۋشىلاردى دا وقۋ-ساۋىقتىرۋ، دەمالۋ لاگەرىنە جىبەرىلەدى.
اتاپ وتەرلىگى، وقۋشىلاردىڭ جازعى دەمالىس جانە ەڭبەك لاگەرلەرى ماۋسىم ايىندا اشىلادى. ءبىراق، قۇلسارى قالاسىنىڭ قازىرگى جاعدايىنا بايلانىستى بۇل ءوڭىردىڭ وقۋشىلارى ءۇشىن جازعى لاگەردىڭ ماۋسىمىن ەرتە باستاۋ تۋرالى شەشىم قابىلدانعان.
