Qulsaryda mektepte balta ustap júrgen jasóspirim eki oqýshyny jaraqattaǵan, dep habarlaidy Dalanews.kz.
5 aqpanda 102 arnasyna Qulsary qalasynda 10-synyp oqýshysy qatarlastarymen janjaldan keiin olarǵa shabýyl jasap, mektep aýmaǵynan boi tasalaǵany týraly habarlama túsken.
Oqiǵa saldarynan eki oqýshy jeńil dene jaraqatyn alǵan.
"Habarlama túsken boida oqiǵa ornyna politsiia qyzmetkerleri jedel jetip, jasóspirim ustaldy. Oqiǵaǵa qatysýshylar men olardyń ata-analary politsiia bólimine jetkizildi", - dedi politsiia.
Bul derekke qatysty buzaqylyq boiynsha qylmystyq is qozǵaldy. 15 jastaǵy kúdikti ýaqytsha ustaý izoliatoryna qamalyp, Ishki ister organdarynyń esebine alyndy.
"Jinaqtalǵan materialdar sheshim qabyldaý úshin Kámeletke tolmaǵandardyń isteri jónindegi komissiiaǵa joldandy. Sondai-aq, jasóspirimniń ata-anasyna qatysty kámeletke tolmaǵan balany tárbieleý jónindegi mindetterin tiisinshe oryndamaǵany úshin ákimshilik is qozǵaldy", - dedi politsiia.
Qylmystyq is aiasynda qylmysqa yqpal etken sebepter men jaǵdailardy joiý týraly bilim berý bólimine usynys engizildi. Tergeý qorytyndysy boiynsha bilim berý uiymynyń laýazymdy tulǵalarynyń, sondai-aq, oqý ornyn kúzetýdi júzege asyrǵan kúzet agenttigi qyzmetkerleriniń áreketterine quqyqtyq baǵa berilmek.
