Qulsaryda kósheniń qaq ortasynda túie taptap ketken balanyń jaǵdaiy belgili boldy, dep habarlaidy Dalanews.kz.
Jylyoi aýdany ákimdigi málimetinshe, 26 qazanda Qulsary qalasynyń 3-shaǵynaýdanynda jergilikti turǵyn iesiz júrgen túie shabýylynan zardap shegip, aýrýhanaǵa túsken.
"Oǵan tiisti meditsinalyq kómek kórsetildi, naýqas travmatologiia bóliminde emdelip jatyr", - dedi ákimdik ókili.
Janýar arnaiy oqshaýlanǵan orynǵa qamalǵan. Maldyń iesin anyqtaý jumystary kórshi oblyspen birlese júrgizilip jatyr.
"Veterinariialyq inspektsiianyń málimetinshe, túieniń qulaǵyndaǵy syrǵa Mańǵystaý oblysyna tirkelgen, al janýardyń ózi derekqorda joq. Mamandar ony qarap, qutyrý, taǵy da basqa aýrý belgileri anyqtalmaǵanyn habarlady", - dedi ákimdik ókili.
