- Nazarbaevtyń kúieý balasy demonopolizatsiialanbaq. Ekonomikany monopoliiasyzdandyrý komissiiasy otyrysy kezinde "Qazaqstandaǵy munai-gaz kompaniialarynyń biri zańsyz jekeshelendirilgen" degen pikir aityldy. Al Premer-Ministr Álihan Smaiylov ýákiletti memlekettik organdarǵa bul máseleni qoldanystaǵy zańnama aiasynda pysyqtaýdy tapsyrdy.
@NRG_monitor derekkózderiniń aqparaty boiynsha áńgime "PetroRetail" kompaniiasy tóńireginde bolyp otyr. Bul Timýr Qulybaevtyń kompaniiasy, ol buryn "QazMunaiGaz" degen atymen belgili bolǵan "QazaqOil" AZS-terine ielik etken.
Óz kezeginde Dalainside derekkózi Timýr Qulybaevtyń AZS jelisin ózinde qaldyrý múmkindigi bar ekenin aitady.
Áńgime jekeshelendirý kezinde sonyń qolyna ótip ketken memlekettik múliktiń aýktsion barysynda tym arzan baǵalanýynda bolyp tur.
Eger kelissózder barysynda Timýr Qulybaev onymen kelisse, onda memleketke ústinen qomaqty qarjy tólep, "PetroRetail" aktivterin ózinde qaldyra alady.
Gegeldi kórgen, Babeldi de bile alady
Sóz joq, Timýr Qulybaev – tamasha strateg. Biraq osy qabiletiniń barlyǵyn ol ózin baiytý úshin ǵana jumsaǵan.
PetroRetail – onyń keremet daiyndalǵan, uzaq operatsiiasy. Ol shamamen 12 jyl ýaqyt aldy.
Esterińizde bolsa, 2014 jyldan bastap sizder "Memleket – nashar menedjer" degen qanatty sózdi jii esti bastadyńyzdar. Osy tujyrymnyń artynda, memleket kóp shyǵyndalǵan, negizin qalap bergen biznester tiimsiz, jekege bereiik degen usynystar aityla bastady. Onyń bári jaidan-jai emes edi.
"Rebrending pen reaktsionering" operatsiiasy
Timýr Qulybaev eldiń munaigaz salasynyń kýratory bolǵandyqtan, 2000 jyldardan bastap "QazMunaiGaz" ulttyq kompaniiasynyń jeke AZS jelilerin salý boiynsha bastamasyna qatysy bolǵany anyq.
Sol jyldary "QazMunaiGaz Ónimderi", "QazMunaiGaz" saýda úii" enshiles uiymdary ashylyp, AZS jelisin keńeitý úshin investitsiialar quiyldy. Sol kezdegi "QazMunaiGaz" saýda úii" bas direktory Tólegen Bozjanovtyń aqparaty boiynsha, bir jańa stantsiia turǵyzýdyń quny 500-900 myń dollardyń aralyǵynda bolǵan.
Qulybaev "eńbeginiń jemisin" jei almady
Al 2019 jyly jeke qolǵa óter aldynda osy biznesti memleket atynan basqaryp otyrǵan «KMG-Retail» firmasy 301 janarmai beketine ielik etip turdy.
Satylar aldynda biznes táýelsiz baǵalaýdan ótti. Deloitte júrgizgen baǵalaý esebine sai, búkil memlekettiń eńbegi 59,9 milliard teńgege baǵalanǵan.
Memleket jaman menedjer emes edi. «KMG-Retail» 2018-2019 jyldary elge 6,8 milliard teńge tabys ákeldi.
Soǵan qaramastan, AZS jelisi memleket úshin artyq júk dep tanylyp, 2019 jyldyń 1 sáýirinde ony «PetroRetail» firmasy 60,5 milliard teńgege (sol kezde 163,3 million dollar) satyp alady.
Ol firma aýktsionǵa nebári 12 kún qalǵanda qurylǵan. Elektrondy úkimet derekteri boiynsha, onyń quryltaishysy retinde «Prime case» JShS, «East Trade Solutions» JShS, Baqyt Saǵyntaeva men Rýfat Hodjalaqov kórsetilgen.
Al «Prime case» JShS «Head Company» firmasy men Daniiar Abýlǵazinge tirkelgen. Daniiar Abýlǵazinniń Timýr Qulybaevtyń talai jyldan beri birge kele jatqan senimdi seriktesi.
Sóitip jekeshelendirýden 2 jyl ótkennen keiin, Timýr Qulybaevqa qarasty «Joint Technologies» firmasy yń-shyńsyz «PetroRetail» quryltaishysy atandy.
Osylaisha, Timýr Qulybaev iske asyrǵan uzaq merzimdi shahmat júrisi 2021 jyly aiaqtaldy. Onyń negizgi kezeńi – iaǵni memlekettiń dollarlaryn shashyp, bolashaqta jekeshelenetin biznestiń bazasyn quryp alý 2009 jyly bastalǵan edi.
12 jyldyq operatsiia kúieý bala úshin sátti aiaqtalǵandai kóringen. Biraq átteń, "Qańtar oqiǵasy" oryn alyp, zaman ózgerip, Qulybaev óz eńbeginiń jemisin jei almady.
Ishi jańaryp, qulpyryp turǵan "QazaqOil" zapravkasynan benzin quidyryp, qyzyl jilet kigen kassir qyzben ázildesip turǵanda, osy keremet oqiǵany esińizge alsańyz bolady.
➡️ Munyń aldynda Timýr Qulybaev jekeshelendirip alǵan shuraily jerinen aiyrylǵan bolatyn. Tolyq aqparat siltemede:
https://t.me/dalainside/1023
