- نازارباەۆتىڭ كٷيەۋ بالاسى دەمونوپوليزاتسييالانباق. ەكونوميكانى مونوپوليياسىزداندىرۋ كوميسسيياسى وتىرىسى كەزٸندە "قازاقستانداعى مۇناي-گاز كومپانييالارىنىڭ بٸرٸ زاڭسىز جەكەشەلەندٸرٸلگەن" دەگەن پٸكٸر ايتىلدى. ال پرەمەر-مينيستر ەليحان سمايىلوۆ ۋەكٸلەتتٸ مەملەكەتتٸك ورگاندارعا بۇل مەسەلەنٸ قولدانىستاعى زاڭناما اياسىندا پىسىقتاۋدى تاپسىردى.
@NRG_monitor دەرەككٶزدەرٸنٸڭ اقپاراتى بويىنشا ەڭگٸمە "PetroRetail" كومپانيياسى تٶڭٸرەگٸندە بولىپ وتىر. بۇل تيمۋر قۇلىباەۆتىڭ كومپانيياسى, ول بۇرىن "قازمۇنايگاز" دەگەن اتىمەن بەلگٸلٸ بولعان "QazaqOil" ازس-تەرٸنە يەلٸك ەتكەن.
ٶز كەزەگٸندە Dalainside دەرەككٶزٸ تيمۋر قۇلىباەۆتىڭ ازس جەلٸسٸن ٶزٸندە قالدىرۋ مٷمكٸندٸگٸ بار ەكەنٸن ايتادى.
ەڭگٸمە جەكەشەلەندٸرۋ كەزٸندە سونىڭ قولىنا ٶتٸپ كەتكەن مەملەكەتتٸك مٷلٸكتٸڭ اۋكتسيون بارىسىندا تىم ارزان باعالانۋىندا بولىپ تۇر.
ەگەر كەلٸسسٶزدەر بارىسىندا تيمۋر قۇلىباەۆ ونىمەن كەلٸسسە, وندا مەملەكەتكە ٷستٸنەن قوماقتى قارجى تٶلەپ, "PetroRetail" اكتيۆتەرٸن ٶزٸندە قالدىرا الادى.
گەگەلدٸ كٶرگەن, بابەلدٸ دە بٸلە الادى
سٶز جوق, تيمۋر قۇلىباەۆ – تاماشا ستراتەگ. بٸراق وسى قابٸلەتٸنٸڭ بارلىعىن ول ٶزٸن بايىتۋ ٷشٸن عانا جۇمساعان.
PetroRetail – ونىڭ كەرەمەت دايىندالعان, ۇزاق وپەراتسيياسى. ول شامامەن 12 جىل ۋاقىت الدى.
ەستەرٸڭٸزدە بولسا, 2014 جىلدان باستاپ سٸزدەر "مەملەكەت – ناشار مەنەدجەر" دەگەن قاناتتى سٶزدٸ جيٸ ەستي باستادىڭىزدار. وسى تۇجىرىمنىڭ ارتىندا, مەملەكەت كٶپ شىعىندالعان, نەگٸزٸن قالاپ بەرگەن بيزنەستەر تيٸمسٸز, جەكەگە بەرەيٸك دەگەن ۇسىنىستار ايتىلا باستادى. ونىڭ بەرٸ جايدان-جاي ەمەس ەدٸ.
"رەبرەندينگ پەن رەاكتسيونەرينگ" وپەراتسيياسى
تيمۋر قۇلىباەۆ ەلدٸڭ مۇنايگاز سالاسىنىڭ كۋراتورى بولعاندىقتان, 2000 جىلداردان باستاپ "قازمۇنايگاز" ۇلتتىق كومپانيياسىنىڭ جەكە ازس جەلٸلەرٸن سالۋ بويىنشا باستاماسىنا قاتىسى بولعانى انىق.
سول جىلدارى "قازمۇنايگاز ٶنٸمدەرٸ", "قازمۇنايگاز" ساۋدا ٷيٸ" ەنشٸلەس ۇيىمدارى اشىلىپ, ازس جەلٸسٸن كەڭەيتۋ ٷشٸن ينۆەستيتسييالار قۇيىلدى. سول كەزدەگٸ "قازمۇنايگاز" ساۋدا ٷيٸ" باس ديرەكتورى تٶلەگەن بوزجانوۆتىڭ اقپاراتى بويىنشا, بٸر جاڭا ستانتسييا تۇرعىزۋدىڭ قۇنى 500-900 مىڭ دوللاردىڭ ارالىعىندا بولعان.
قۇلىباەۆ "ەڭبەگٸنٸڭ جەمٸسٸن" جەي المادى
ال 2019 جىلى جەكە قولعا ٶتەر الدىندا وسى بيزنەستٸ مەملەكەت اتىنان باسقارىپ وتىرعان «KMG-Retail» فيرماسى 301 جانارماي بەكەتٸنە يەلٸك ەتٸپ تۇردى.
ساتىلار الدىندا بيزنەس تەۋەلسٸز باعالاۋدان ٶتتٸ. Deloitte جٷرگٸزگەن باعالاۋ ەسەبٸنە ساي, بٷكٸل مەملەكەتتٸڭ ەڭبەگٸ 59,9 ميلليارد تەڭگەگە باعالانعان.
مەملەكەت جامان مەنەدجەر ەمەس ەدٸ. «KMG-Retail» 2018-2019 جىلدارى ەلگە 6,8 ميلليارد تەڭگە تابىس ەكەلدٸ.
سوعان قاراماستان, ازس جەلٸسٸ مەملەكەت ٷشٸن ارتىق جٷك دەپ تانىلىپ, 2019 جىلدىڭ 1 سەۋٸرٸندە ونى «PetroRetail» فيرماسى 60,5 ميلليارد تەڭگەگە (سول كەزدە 163,3 ميلليون دوللار) ساتىپ الادى.
ول فيرما اۋكتسيونعا نەبەرٸ 12 كٷن قالعاندا قۇرىلعان. ەلەكتروندى ٷكٸمەت دەرەكتەرٸ بويىنشا, ونىڭ قۇرىلتايشىسى رەتٸندە «Prime case» جشس, «East Trade Solutions» جشس, باقىت ساعىنتاەۆا مەن رۋفات حودجالاقوۆ كٶرسەتٸلگەن.
ال «Prime case» جشس «Head Company» فيرماسى مەن دانييار ابۋلعازينگە تٸركەلگەن. دانييار ابۋلعازيننٸڭ تيمۋر قۇلىباەۆتىڭ تالاي جىلدان بەرٸ بٸرگە كەلە جاتقان سەنٸمدٸ سەرٸكتەسٸ.
سٶيتٸپ جەكەشەلەندٸرۋدەن 2 جىل ٶتكەننەن كەيٸن, تيمۋر قۇلىباەۆقا قاراستى «Joint Technologies» فيرماسى ىڭ-شىڭسىز «PetroRetail» قۇرىلتايشىسى اتاندى.
وسىلايشا, تيمۋر قۇلىباەۆ ٸسكە اسىرعان ۇزاق مەرزٸمدٸ شاحمات جٷرٸسٸ 2021 جىلى اياقتالدى. ونىڭ نەگٸزگٸ كەزەڭٸ – ياعني مەملەكەتتٸڭ دوللارلارىن شاشىپ, بولاشاقتا جەكەشەلەنەتٸن بيزنەستٸڭ بازاسىن قۇرىپ الۋ 2009 جىلى باستالعان ەدٸ.
12 جىلدىق وپەراتسييا كٷيەۋ بالا ٷشٸن سەتتٸ اياقتالعانداي كٶرٸنگەن. بٸراق ەتتەڭ, "قاڭتار وقيعاسى" ورىن الىپ, زامان ٶزگەرٸپ, قۇلىباەۆ ٶز ەڭبەگٸنٸڭ جەمٸسٸن جەي المادى.
ٸشٸ جاڭارىپ, قۇلپىرىپ تۇرعان "QazaqOil" زاپراۆكاسىنان بەنزين قۇيدىرىپ, قىزىل جيلەت كيگەن كاسسير قىزبەن ەزٸلدەسٸپ تۇرعاندا, وسى كەرەمەت وقيعانى ەسٸڭٸزگە الساڭىز بولادى.
➡️ مۇنىڭ الدىندا تيمۋر قۇلىباەۆ جەكەشەلەندٸرٸپ العان شۇرايلى جەرٸنەن ايىرىلعان بولاتىن. تولىق اقپارات سٸلتەمەدە:
https://t.me/dalainside/1023
