Mańǵystaý oblysyndaǵy Jańaózen qalasynda jańa sporttyq-saýyqtyrý kesheniniń qurylysy bastaldy, – dep habarlaidy Dalanews.kz Mańǵystaý oblysy ákiminiń baspasóz qyzmetine silteme jasap.
Bul joba óńir jastaryna arnalǵan dene shynyqtyrý men sportty damytýǵa baǵyttalǵan mańyzdy bastama. Sport kesheni halyqaralyq standarttarǵa sai salynyp, turǵyndar úshin jańa múmkindikter ashady.
Memleket basshysy Qasym-Jomart Toqaev óz Joldaýynda: «Buqaralyq sportqa, dene tárbiesine jáne balalarǵa basymdyq berý kerek. Ár oblysta, iri aýdan ortalyqtarynda sport úiirmelerin ashý qajet», – dep atap ótken bolatyn.
Sol igilikti isterdiń biri – Mańǵystaý oblysynyń Jańaózen qalasynda boi kóteretin zamanaýi sporttyq-saýyqtyrý kesheni. Bul aýqymdy jobany júzege asyrýǵa elimizdegi eń iri qaiyrymdylyq uiymdardyń biri – Timýr Qulybaevtyń Halyk qaiyrymdylyq qory uiytqy bolyp otyr.
Bul bastama – el bolashaǵy sanalatyn jas urpaqtyń densaýlyǵyn nyǵaitýǵa, olardy otansúigishtik pen belsendi ómir saltyna baýlýǵa baǵyttalǵan naqty qadam. Prezident tapsyrmasy búginde shynaiy istermen ushtasyp, elimizdiń túkpir-túkpirinde oń nátijesin bere bastady.
Keshenniń ishi halyqaralyq standarttarǵa tolyqtai sai jabdyqtalyp, kópfýnktsionaldy jattyǵý jáne kúres zaldary, kiim aýystyratyn bólmeler men dýsh kabinalary, sport quraldaryn saqtaityn qoimalar, ákimshilik jáne tehnikalyq bólmelermen qamtylady. Sondai-aq beinebaqylaý júiesi men órt qaýipsizdigi talaptary da tolyq eskerilgen. Jalpy aýmaǵy 3,87 gektardy quraityn nysan 9 ai ishinde paidalanýǵa berilmek. Jobanyń jalpy quny – 1,5 milliard teńge.
Halqy tyǵyz qonystanǵan, jastar úlesi joǵary Jańaózen qalasy úshin mundai nysan asa qajet. Keshenniń artyqshylyqtary:
- Qala turǵyndary sportpen tegin jáne qoljetimdi túrde ainalysa alady
- Balalar men jasóspirimderge arnalǵan úiirmeler men sektsiialar ashylady
- Kásibi sportshylar úshin jattyǵý bazasy qalyptasady, jarystar ótkizý múmkindigi paida bolady
- Jańa jumys oryndary ashylady
- Jastardyń bos ýaqytyn tiimdi ótkizýine jaǵdai jasalady
Jańaózende boi kóteretin bul keshen – tek sportpen shuǵyldanatyn ǵimarat qana emes. Bul – jastardyń bos ýaqytyn tiimdi ótkizýine, ómirlik daǵdylaryn shyńdaýyna, myqty erik-jiger men tártipke baýlýyna jol ashatyn rýhani-áleýmettik orta.
2023 jyldan bastap Qulybaevtyń qory Mańǵystaý oblysyn damytýǵa 5 milliard teńge bóldi. Qarajat jergilikti halyqtyń qarajat jergilikti turǵyndardyń ómirin jaqsy jaqqa ózgertetin resýrstarmen jáne infraqurylymmen qamtamasyz etetin áleýmettik mańyzdy bastamalardy iske asyrýǵa baǵyttalǵan.
Halyk qorynyń óńirdegi eń mańyzdy bastamalary:
- Beineý astyq terminalyn qaita jandandyrý – óńirdiń azyq-túlik qaýipsizdigin nyǵaitatyn strategiialyq mańyzdy joba.
- Aqshuqyr jáne S. Shapaǵatov aýyldaryna arnalǵan tushylandyrý qondyrǵysy – 25 000-nan astam turǵyndy taza aýyz sýmen qamtamasyz etti.
- Jańaózende zamanaýi balalar alańdary men fýtbol alańdaryn salý – balalar men jastardyń belsendi demalysy men damýy úshin arnaiy aimaqtar qurylǵan.
