Timýr Qulybaev pen Dinara Qulybaevaǵa tiesili «Almeks» kompaniiasy Halyk Bank aktsiialarynyń 7,6%-yn 475,41 mln AQSh dollaryna satty. Qundy qaǵazdar halyqaralyq jáne qazaqstandyq birjalarda ornalastyryldy, dep habarlaidy Dalanews.kz.
Bank habarlaýynsha, ótinimderdi jinaý protsesi sátti aiaqtalǵan. Halyqaralyq naryqta 17,4 mln depozitaralyq qolhat satyldy, al Qazaqstanda 205 myń depozitaralyq qolhat pen 121,8 mln qarapaiym aktsiia usynyldy. Árbir depozitaralyq qolhat 40 aktsiiaǵa teń. Jalpy satylǵan qolhattar men aktsiialar banktiń ainalymdaǵy aktsiialarynyń 7,6%-yn qurady.
Mámileniń qurylymy:
- Jergilikti usynys boiynsha 121,8 mln aktsiia bir aktsiiasy 298,66 teńgeden,
- 17,6 mln depozitaralyq qolhattyń bireýi 23 dollardan satyldy.
Halyqaralyq usynysqa qatysqan 17,4 mln qolhat sheteldik institýtsionaldyq investorlarǵa tidi. Qazaqstandaǵy investorlar 0,2 mln jergilikti qolhat pen 121,8 mln aktsiiany satyp aldy. Bank bul mámileden eshqandai kiris almaidy.
Depozitarlyq qolhattar 2025 jylǵy 25 qarashada London qor birjasynda saýdaǵa shyǵady dep josparlanǵan.
Mámile aiaqtalǵannan keiin ALMEKS banktiń 6,7 mlrd aktsiiasyna ie bolady, bul ainalymdaǵy aktsiialardyń shamamen 62%-yn quraidy.
