Tımýr Qulybaevqa tıesili dep sanalatyn «TEK-Kazahstan» kompanıasy memleket menshigine 54 nysandy ótkizdi. Bul týraly bas kólik prokýratýrasy habarlady, dep habarlaıdy Dalanews.kz.
Usynylǵan aqparatqa sáıkes, quramyna janarmaı qoımalary, ǵımarattar men qurylystar, sondaı-aq negizgi qural-jabdyq toptary kiretin múlik endi memleketke tıesili. Sonymen birge «Qorǵas» halyqaralyq ortalyǵyndaǵy bagaj termınaly men jer ýchaskesi de qaıtarylǵan.
Buǵan deıin Aaktıvterdi qaıtarý jónindegi komıtet Tımýr Qulybaevpen sottasyp jatqany týraly aqparat taraǵan edi. Atalǵan kásipkerdiń esimi eldegi eń yqpaldy bıznes ókilderiniń biri retinde jıi atalady. Ol «Kıpros» pen «Joint Technologies» arqyly «TEK-Kazahstan»-dy qadaǵalaǵan dep aıtylady.
Qarjy esebine súıensek, Qulybaevtyń Joint Resources holdıńi 2023 jyldyń qorytyndysynda 39,1 mlrd teńge taza tabys tapqan. Bul kompanıa negizinen aktıvterdi basqarýmen aınalysady. Holdıńtiń qaramaǵynda jeti enshiles mekeme bar, olardyń arasynda «Krıstal Menejment» AQ, «Kazakhstan’s mineral resource investment company» JSHS, «Shubarkól Premıým» AQ sekildi kásiporyndar jáne basqa da uıymdar kezdesedi.
Memleketke qaıtarylǵan 54 nysannyń naqty qandaı maqsatta paıdalanylatyny áli belgisiz. Degenmen, sarapshylar mundaı qadam elimizde aktıvterdi zańǵa sáıkes retteý jáne menshik qatynastarynyń ashyqtyǵyn arttyrý baǵytynda jasalyp jatqanyn aıtady. Quzyrly organdar bul prosestiń jalǵasatynyn, al qajetti jaǵdaıda sot sheshimine júginetinin eskertýde.
