Qazaqstan Respýblikasy Prezidentiniń Ákimshiligimen kelisim boiynsha Qýanysh Jumabekuly Asylov Qazaqstan Respýblikasynyń Atom energiiasy jónindegi agenttiginiń apparat basshysy qyzmetine taǵaiyndaldy, dep habarlaidy Dalanews.kz agenttiktiń baspasóz qyzmetine silteme jasap.
Asylov Qýanysh Jumabekuly 1973 jylǵy 14 naýryzda Almaty qalasynda dúniege kelgen. Ál-Farabi atyndaǵy Qazaq ulttyq ýniversitetin quqyq magistri dárejesimen aiaqtaǵan.
Memlekettik basqarý salasynda úlken eńbek tájiribesi bar. Birqatar vedomstvolardy basqarǵan, ministrlikterde, Esep komitetinde, Prezidenttiń Is basqarmasy men Ákimshiliginde basshylyq laýazymdarda qyzmet atqarǵan. 2019–2023 jyldar aralyǵynda Qazaqstan Respýblikasy Prezidenti Ákimshiliginiń Memlekettik inspektory laýazymynda jumys istedi.
Jańa qyzmetke taǵaiyndalǵanǵa deiin Shymkent qalasy ákiminiń birinshi orynbasary qyzmetin atqarǵan.
Aita ketsek, 2025 jyly 2 qyrkúiekte Qasym-Jomart Toqaev Qytai ulttyq iadrolyq ónerkásip korporatsiiasynyń (CNNC) bas direktory Shen Ianfendi qabyldady. Prezident tájiribesi mol ári tehnologiiasy ozyq CNNC kompaniiasymen birlesken jobalar, sonyń ishinde elimizdegi ekinshi atom elektr stansasynyń qurylysy tabysty júzege asyrylatynyna senim bildirdi.
