Saltanat Núkenovanyń ólimine kúdikti, Ulttyq ekonomıkanyń eks-mınıstri Qýandyq Bıshimbaevqa QR Qylmystyq kodeksiniń 110-baby 2- tarmaǵy, ıaǵnı "Azaptaý" boıynsha qosymsha aıyp taǵylyp otyr. Bul týraly ishki ister mınıstrliginiń baspasóz qyzmeti málimdedi.
Atalmysh bap boıynsha eks-mınıstrge tórt jyldan jeti jylǵa deıin jaza taǵaıyndalyp, Qylmystyq kodekstiń “Adam óltirý” baby boıynsha 15 jyldan ómir boıyna bas bostandyǵynan aıyrylady.
9 qarashada eks-mınıstr Qýandyq Bıshimbaevtyń ustalǵany belgili boldy. 8 qarashada Astanadaǵy meıramhanalardyń birinde kelýshiler arasynda janjal shyǵyp, saldarynan áıel adamnyń alǵan jaraqatynan kóz jumǵany aıtyldy. Keıin marqumnyń eks-mınıstr Saltanat Núkenovanyń áıeli ekeni belgili boldy.
Bıshimbaev sol kúni kisi óltirdi degen kúdikpen ustalyp, qamaýǵa alyndy. 11 qarashada Saltanat Núkenova Pavlodarda jerlendi. Erli-zaıyptylardyń shańyraq kótergenderine bir jyldaı ýaqyt bolǵan edi.
