Qostanailyq qoǵam belsendisi Sergei Zinchenko áleýmettik jelide repost jasaǵany úshin qamaýǵa alyndy, - dep habarlaidy Dalanews.kz.
Belsendi 20 táýlikke qamaýǵa alynǵan. Oǵan áleýmettik jelide ózge adamnyń jariialaǵan sýretin bólisýi sebep bolǵan.
Sergei Zinchenko Qostanaida turǵyndarǵa qatysty problemalardy jii kóterip júredi. Al jaqynda Zinchenko "Vejlivye liýdi" degen jazýy bar jáne qasynda qarýdyń sýreti turǵan avtokólikti paraqshasynda repost jasap, bólisken.
Artynsha avtokólik iesi belsendini sotqa bergen.
Advokat Damir Hamitov áleýmettik jelidegi paraqshasynda bul jaitqa qatysty pikir bildirdi.
"Sot jala japty dep aiyp taǵyp otyr. Eger jala jabý bolsa, onda Zinchenko taratqan aqparatta jalǵan nemese bireýdiń abyroiyna nuqsan keltiretin derekter bolýy kerek edi. Al Zinchenkonyń bul áreketinde avtokólik iesine qatysty eshqandai jalǵan aqparat joq. Repostta onyń aty-jóni nemese sýreti de turǵan joq. Tek ózi bólisken sýret qana. Sot jala jabý degendi qaidan alǵan?", - deidi Hamitov.
Advokat Qostanai oblystyq sotyna birinshi satydaǵy sottyń qaýlysyna apelliatsiia shaǵymdanatynyn jetkizdi.
