Qostanai oblysynda qylmysqa qatysy bar birneshe politsiia qyzmetkeri ustaldy, dep habarlaidy Dalanews.kz.
Tobol Info málimetine sáikes, 2026 jylǵy 17 naýryzda Qostanai oblysy boiynsha UQK departamentiniń sybailas jemqorlyqqa qarsy is-qimyl qyzmeti oblystyq politsiia departamentiniń ishki qaýipsizdik basqarmasymen birlesip júrgizgen jedel shara barysynda Rýdnyi qalalyq kriminaldyq politsiia bóliminiń úsh qyzmetkeri qolǵa túsken.
Qostanai qalasynyń mamandandyrylǵan tergeý sotynyń sanktsiiasymen kúdiktilerge qatysty bultartpaý sharasy retinde qamaýǵa alý sheshimi qabyldandy.
Atalǵan derek boiynsha sotqa deiingi tergep-tekserý amaldary jalǵasyp jatyr.
Tergeý málimetinshe, is Qazaqstan Respýblikasy Qylmystyq kodeksiniń 366-babynyń 3-bóligi "adamdar tobynyń aldyn ala sóz bailasýy arqyly, iri mólsherde nemese birneshe ret bopsalaý jolymen para alý" faktisi boiynsha qozǵalǵan.
Bul baptyń sanktsiiasyna sáikes, kináli dep tanylǵan jaǵdaida aiyppul salý nemese 7 jyldan 12 jylǵa deiin bas bostandyǵynan aiyrý jazasy, sondai-aq múlkin tárkileý jáne belgili bir laýazymdardy ómir boiy atqarý quqyǵynan aiyrý qarastyrylǵan.
