Qostanaidyń investitsiialyq áleýeti arta tústi
– Qostanai oblysynda investorlar úshin qolaily jaǵdailar jasalynǵan jáne «Kazakh Invest» barlyq suraqtar boiynsha qoldaý kórsetedi. Qazirdiń ózinde aimaqtyq jobalar boiynsha naqty sheteldik investorlarmen kelissózder júrgizý jaiyndaǵy kelisimderge qol jetkizdik. Jyl basynan bastap «Kazakh Invest» ókilderiniń, investitsiia salýǵa tartymdy 11 eldiń iri kompaniialarymen kelissózder júrgizdi. Biz 60-tan astam jańa investorlardy anyqtap, jobalardy daiyndaý boiynsha qarqyndy jumys istep jatyrmyz, – dep atap ótti «Kazakh Invest» Basqarma tóraǵasy Saparbek Tuiaqbaev.
Memorandýmǵa sáikes, Qostanai oblysynyń ákimdigi shikizattyq bazanyń, jer resýrstarynyń, infraqurylymmen qamtamasyz etilý tárizdi kriteriilerdi eskerip, investitsiia salýdy talap etetin «igerilmegen» jobalar tizbesin jasaidy. «Kazakh Invest» óz kezeginde «igerilmegen jobalardy» júzege asyrý úshin áleýetti investorlardy izdeýmen jáne tartýmen ainalysatyn bolady.
Taraptar investorlardyń ótinishterin jyldam qarastyrý, olarǵa qoldaý kórsetý jáne «bir tereze» printsipi boiynsha qyzmetter kórsetý, investitsiialyq jobalarǵa birlesken monitoring júrgize jáne «Kazakh Invest» ázirlegen IRM («Investors Relationship Management») aqparattyq-monitoringtik júiesine kelip túsetin investorlardyń suraqtaryn sheshý jaiynda kelisimge keldi.
Taraptar jumys barysynda sheteldik investorlar qatysatyn jobalardy jandandyrýdy qarastyrǵan. Atalmysh kezeńdegi aimaqtyń investitsiialyq jobalary tizbesi jalpy somasy 146,1 mlrd. teńge bolatyn 21 investitsiialyq jobadan turady, olardyń ishinde 80% astamy sheteldik investitsiialar.
– Biz Qostanai oblysy aýmaǵynda iri irgeli jobalardy júzege asyrý úshin «KazakhInvest» birge yntymaqtasa jumys isteýdemiz. Qazirgi tańda óńirde 400 gektar Indýstrialdyq aimaqtyń qurylysy salynýda. Eń alǵashqylardyń biri bolyp investitsiiasynyń jalpy kólemi 1,1 mlrd. dollar quraityn «SMS» qytai kompaniiasy jáne «Alliýr Kompaniialar Toby» avtomobil klasterin damytý boiynsha jobasy ornalasatyn bolady. Bul týraly kelisimge Elbasymyzdyń jýyrdaǵy Qytaiǵa sapary barysynda qol jetkizildi, – dep atap ótti Qostanai oblysynyń ákimi Arhimed Mýhambetov.
Atap ketetini, Qostanai oblysynyń ákimdigi óńirdiń investitsiialyq jobalary men aýmaqtary, sondai-aq qol jetimdi infraqurylymnyń jáne paidaly qazbalardyń barlyǵy boiynsha aqparattan turatyn oblystyń interaktivti investitsiialyq kartasyn engizgen.
Kartadaǵy barlyq aqparat qazaq, orys jáne aǵylshyn tilderinde kelesi usynylǵan saitta qol jetimdi www.map.investinkostanay.kz. Óńirde qoldaý kórsetýge jáne áleýetti investorlardyń óńirdegi problemalyq suraqtaryn jáne júielik kedergilerdi qarastyrýǵa arnalǵan Investorlardy tartý boiynsha Keńes qyzmet atqarady.
Jýyrda Qostanai oblysynda birqatar iri investitsiialyq jobalardy júzege asyrý josparlanýda. Solardyń biri jalpy quny 81,4 mlrd. teńgeni quraityn dándi jáne maily daqyldaryn tereń óńdeý boiynsha aýyl sharýashylyq habyn qurýdy atap aitýǵa bolady. Qytailyq investorlardyń qatysýymen jobanyń bastamasyn kótergen «Kazmeal» (Kazmil) JShS bolyp tabylady. Jobalyq qýattylyǵy 600 myń tonna bidaidy (onyń ishinde, 100 myń tonna un, 100 myń tonna gliýten jáne 350 myń tonna kespe óndirý), 120 myń tonna mai ónimderin óńdeýge, 1 mln. tonnaǵa deiin qurama jem óndirýge eseptelingen.
Sonymen qatar, Elbasynyń sapary sheńberinde Qostanai oblysyndaǵy mashina qurastyrý salasyn damytý boiynsha birqatar kelisimderge qol qoiyldy. «Alliýr Kompaniialar Toby» AQ, qytailyq «China National Machinery ImportandExport, Co» (SMS) kompaniiasy jáne «Báiterek» holdingi arasynda Jol kartasyna qol qoiyldy. Atalmysh joba sheńberinde investitsiialardyń jalpy kólemi 1,1 mlrd. dollardy quraityn tolyqqandy avtomobil klasterin (avtobýstar, júk kólikteri, elektromobilder) qurý josparlanýda.
Budan bólek, «AgromashHolding KZ» AQ jáne «YTO» arasynda Qazaqstanda traktorlardy jinaqtaý óndirisin uiymdastyrý boiynsha áriptestik týraly memorandým jasalyndy. «YTO» kompaniiasy – bul qytailyq traktor tehnikasynyń eń iri óndirýshisi. Budan ári jobany júzege asyrý boiynsha jol kartasyna qol qoiý josparlanýda.
