– قوستاناي وبلىسىندا ينۆەستورلار ءۇشىن قولايلى جاعدايلار جاسالىنعان جانە «Kazakh Invest» بارلىق سۇراقتار بويىنشا قولداۋ كورسەتەدى. ءقازىردىڭ وزىندە ايماقتىق جوبالار بويىنشا ناقتى شەتەلدىك ينۆەستورلارمەن كەلىسسوزدەر جۇرگىزۋ جايىنداعى كەلىسىمدەرگە قول جەتكىزدىك. جىل باسىنان باستاپ «Kazakh Invest» وكىلدەرىنىڭ، ينۆەستيسيا سالۋعا تارتىمدى 11 ەلدىڭ ءىرى كومپانيالارىمەن كەلىسسوزدەر جۇرگىزدى. ءبىز 60-تان استام جاڭا ينۆەستورلاردى انىقتاپ، جوبالاردى دايىنداۋ بويىنشا قارقىندى جۇمىس ىستەپ جاتىرمىز، – دەپ اتاپ ءوتتى «Kazakh Invest» باسقارما ءتوراعاسى ساپاربەك تۇياقبايەۆ.
مەموراندۋمعا سايكەس، قوستاناي وبلىسىنىڭ اكىمدىگى شيكىزاتتىق بازانىڭ، جەر رەسۋرستارىنىڭ، ينفراقۇرىلىممەن قامتاماسىز ەتىلۋ ءتارىزدى كريتەرييلەردى ەسكەرىپ، ينۆەستيسيا سالۋدى تالاپ ەتەتىن «يگەرىلمەگەن» جوبالار تىزبەسىن جاسايدى. «Kazakh Invest» ءوز كەزەگىندە «يگەرىلمەگەن جوبالاردى» جۇزەگە اسىرۋ ءۇشىن الەۋەتتى ينۆەستورلاردى ىزدەۋمەن جانە تارتۋمەن اينالىساتىن بولادى.
تاراپتار ينۆەستورلاردىڭ وتىنىشتەرىن جىلدام قاراستىرۋ، ولارعا قولداۋ كورسەتۋ جانە «ءبىر تەرەزە» ءپرينسيپى بويىنشا قىزمەتتەر كورسەتۋ، ينۆەستيسيالىق جوبالارعا بىرلەسكەن مونيتورينگ جۇرگىزە جانە «Kazakh Invest» ازىرلەگەن IRM («Investors Relationship Management») اقپاراتتىق-مونيتورينگتىك جۇيەسىنە كەلىپ تۇسەتىن ينۆەستورلاردىڭ سۇراقتارىن شەشۋ جايىندا كەلىسىمگە كەلدى.
تاراپتار جۇمىس بارىسىندا شەتەلدىك ينۆەستورلار قاتىساتىن جوبالاردى جانداندىرۋدى قاراستىرعان. اتالمىش كەزەڭدەگى ايماقتىڭ ينۆەستيسيالىق جوبالارى تىزبەسى جالپى سوماسى 146،1 ملرد. تەڭگە بولاتىن 21 ينۆەستيسيالىق جوبادان تۇرادى، ولاردىڭ ىشىندە 80% استامى شەتەلدىك ينۆەستيسيالار.
– ءبىز قوستاناي وبلىسى اۋماعىندا ءىرى ىرگەلى جوبالاردى جۇزەگە اسىرۋ ءۇشىن «KazakhInvest» بىرگە ىنتىماقتاسا جۇمىس ىستەۋدەمىز. قازىرگى تاڭدا وڭىردە 400 گەكتار يندۋستريالدىق ايماقتىڭ قۇرىلىسى سالىنۋدا. ەڭ العاشقىلاردىڭ ءبىرى بولىپ ينۆەستيسياسىنىڭ جالپى كولەمى 1،1 ملرد. دوللار قۇرايتىن «سمس» جۇڭگو كومپانياسى جانە «الليۋر كومپانيالار توبى» اۆتوموبيل كلاستەرىن دامىتۋ بويىنشا جوباسى ورنالاساتىن بولادى. بۇل تۋرالى كەلىسىمگە ەلباسىمىزدىڭ جۋىرداعى قىتايعا ساپارى بارىسىندا قول جەتكىزىلدى، – دەپ اتاپ ءوتتى قوستاناي وبلىسىنىڭ اكىمى ارحيمەد مۋحامبەتوۆ.
اتاپ كەتەتىنى، قوستاناي وبلىسىنىڭ اكىمدىگى ءوڭىردىڭ ينۆەستيسيالىق جوبالارى مەن اۋماقتارى، سونداي-اق قول جەتىمدى ينفراقۇرىلىمنىڭ جانە پايدالى قازبالاردىڭ بارلىعى بويىنشا اقپاراتتان تۇراتىن وبلىستىڭ ينتەراكتيۆتى ينۆەستيسيالىق كارتاسىن ەنگىزگەن.
كارتاداعى بارلىق اقپارات قازاق، ورىس جانە اعىلشىن تىلدەرىندە كەلەسى ۇسىنىلعان سايتتا قول جەتىمدى www.map.investinkostanay.kz. وڭىردە قولداۋ كورسەتۋگە جانە الەۋەتتى ينۆەستورلاردىڭ وڭىردەگى پروبلەمالىق سۇراقتارىن جانە جۇيەلىك كەدەرگىلەردى قاراستىرۋعا ارنالعان ينۆەستورلاردى تارتۋ بويىنشا كەڭەس قىزمەت اتقارادى.
جۋىردا قوستاناي وبلىسىندا ءبىرقاتار ءىرى ينۆەستيسيالىق جوبالاردى جۇزەگە اسىرۋ جوسپارلانۋدا. سولاردىڭ ءبىرى جالپى قۇنى 81،4 ملرد. تەڭگەنى قۇرايتىن ءداندى جانە مايلى داقىلدارىن تەرەڭ وڭدەۋ بويىنشا اۋىل شارۋاشىلىق حابىن قۇرۋدى اتاپ ايتۋعا بولادى. قىتايلىق ينۆەستورلاردىڭ قاتىسۋىمەن جوبانىڭ باستاماسىن كوتەرگەن «Kazmeal» (كازميل) ج ش س بولىپ تابىلادى. جوبالىق قۋاتتىلىعى 600 مىڭ توننا بيدايدى (ونىڭ ىشىندە، 100 مىڭ توننا ۇن، 100 مىڭ توننا گليۋتەن جانە 350 مىڭ توننا كەسپە ءوندىرۋ)، 120 مىڭ توننا ماي ونىمدەرىن وڭدەۋگە، 1 ملن. تونناعا دەيىن قۇراما جەم وندىرۋگە ەسەپتەلىنگەن.
سونىمەن قاتار، ەلباسىنىڭ ساپارى شەڭبەرىندە قوستاناي وبلىسىنداعى ماشينا قۇراستىرۋ سالاسىن دامىتۋ بويىنشا ءبىرقاتار كەلىسىمدەرگە قول قويىلدى. «الليۋر كومپانيالار توبى» اق، قىتايلىق «China National Machinery ImportandExport، Co» (سمس) كومپانياسى جانە «بايتەرەك» حولدينگى اراسىندا جول كارتاسىنا قول قويىلدى. اتالمىش جوبا شەڭبەرىندە ينۆەستيسيالاردىڭ جالپى كولەمى 1،1 ملرد. دوللاردى قۇرايتىن تولىققاندى اۆتوموبيل كلاستەرىن (اۆتوبۋستار، جۇك كولىكتەرى، ەلەكتروموبيلدەر) قۇرۋ جوسپارلانۋدا.
بۇدان بولەك، «اگروماشحولدينگ KZ» اق جانە «YTO» اراسىندا قازاقستاندا تراكتورلاردى جيناقتاۋ ءوندىرىسىن ۇيىمداستىرۋ بويىنشا ارىپتەستىك تۋرالى مەموراندۋم جاسالىندى. «YTO» كومپانياسى – بۇل قىتايلىق تراكتور تەحنيكاسىنىڭ ەڭ ءىرى ءوندىرۋشىسى. بۇدان ءارى جوبانى جۇزەگە اسىرۋ بويىنشا جول كارتاسىنا قول قويۋ جوسپارلانۋدا.
