Qostanai oblysynyń ákimdigi sý tasqynynan zardap shekken aýdandarda balalardy oqytýdy qamtamasyz etý boiynsha barlyq qajetti sharalardy qabyldaýda.
Arqalyq qalasynda, Amangeldi jáne Jangeldi aýdandarynda sý tasqyny saldarynan TJ rejimi jariialanýyna bailanysty oblys ákimi Qumar Aqsaqalovtyń tóraǵalyǵymen ótken jedel shtab otyrysynda bilim berý uiymdarynda oqytýdy qamtamasyz etý máselesi qaraldy.
Qyzyljuldyz aýylynda turǵyndardy evakýatsiialaý júrgizildi, balalar Arqalyq qalasyndaǵy týystarynyń otbasylaryna ornalastyryldy. Barlyq balalarǵa qaýipsiz jaǵdai jasalǵan.
Aýyldyń 40 oqýshysy úshin oqý protsesi 4 toqsanda ekinshi aýysymda Arqalyq qalasynyń №5 JBBM uiymdastyrylady. Qyzyljuldyz JBBM-niń 14 muǵalimi óz oqýshylaryna sabaq beredi. Oqýlyqtarmen jáne keńse kerek-jaraqtarymen qamtamasyz etý máselesi sheshildi. Búgingi kúnniń sońyna deiin balalar úshin kiim satyp alynady.
Jangeldi aýdanynda Kólqamys aýylynan kóshirilgen Nurmanov atyndaǵy mekteptiń 44 oqýshysy 19 shaqyrym jerde ornalasqan Kókalat aýylyndaǵy Albarbóget mektebinde oqityn bolady. Olar da barlyq qajetti zattarmen qamtamasyz etilgen.
Balalarǵa kiim, oqýlyqtar, keńse jaraqtary jalpyǵa birdei bilim berý qorynan satyp alynady, bul úshin qarajat jetkilikti.
«Birinshi sáýirge deiin barlyq balalardy kiimmen, oqýlyqtarmen, keńse kerek-jaraqtarymen qamtamasyz etý qajet. Bizdiń mindetimiz - oqýshylardyń úzdiksiz bilim alýyna barlyq jaǵdai jasaý. Ol úshin barlyq resýrstardy qosamyz», - dedi Qumar Aqsaqalov.
Balalarǵa arnalǵan barlyq kerek-jaraqtar jalpyǵa birdei bilim berý qorynan satyp alynady, bul úshin barlyq qajetti qarajat bar.
