Qostanai oblystyq Mádeniet basqarmasynyń basshysy Erlan Qalmaqov atalǵan bastamany ult ustazynyń 150 jyldyq mereitoiy qarsańynda áýejai ujymy kótergenin aitty.
– Biylǵy Ahmet Baitursynulynyń mereitoiy aiasynda respýblikalyq jáne oblystyq josparlar bar. Búginde kóptegen is-sharalar atqarylyp jatyr. Sonyń bir mańyzdysy – Qostanai qalasyndaǵy halyqaralyq áýejaiǵa Ahmet Baitursynulynyń esimin berý týraly sheshim.
Bul bastamany kótergen – áýejaidyń ujymy. Odan bólek, osy usynysty qoǵam belsendileri, ziialy qaýym ókilderi túrli jerlerde aityp júrdi. Sondyqtan ol ujymnyń talqysyna salynyp, qoldaý taýyp, tiisti rásimderden ótkizildi. Endi ádilet organdaryna qujat resmi tirkelgennen keiin halyqaralyq áýejaiǵa Ahmet Baitursynulynyń esimi beriletin bolady, – dedi basqarma basshysy.
