Qostanai oblysy Amangeldi aýylynda qazandyq jarylǵannan keiin turǵyn úiler men áleýmettik nysandar modýldi qazandyqqa qosyldy, dep habarlaidy Dalanews.kz.
6 qarashada mádeniet úiinde jeke turǵan qazandyq jarylyp, ǵimarat qulaǵan. Saldarynan bir er adam zardap shekken.
Tengrinews derekkóziniń málimetinshe, qazandyq jarylǵannan keiin úiler toq jáne ózge de jylytý qurylǵylarymen jylytyla bastaǵan. 7 qarashada aýdan ortalyǵyna jyljymaly qondyrǵy jetkizilgen.
"Blokty-modýldik qazandyq (11 kilovatttyq eki ainalym sorǵysynan turatyn úsh qazandyq) jetkizildi. Saǵat 9:30-daǵy jaǵdai boiynsha modýldik qazandyqtarǵa qubyr tartý jumystary aiaqtaldy, jylý berildi", - dep habarlady Amangeldi ákimdigi Tengrinews-ke.
Búginde modýldi qazandyqqa qosylǵan nysandar men úilerdegi temperatýra 18-20 gradýs.
Sondai-aq qosymsha rezervtik qondyrǵylar ornatý josparlanýda, bul bolashaqta osyndai jaǵdailardyń aldyn alýǵa múmkindik beredi.
Jarylys saldarynan zardap shekken adamnyń jaǵdaiy aýyr, biraq turaqty. Dárigerler naýqastyń jaǵdaiyn baqylap otyr.
