Rýdnyi qalalyq soty "Tobyl – Torǵai sý resýrstaryn paidalanýdy retteý jáne qorǵaý jónindegi basseindik inspektsiiasy" RMM memlekettik baqylaý bóliminiń basshysy S. Muqashevke qatysty úkim shyǵardy, dep habarlaidy Dalanews.kz.
Antikordyń derekterine súiensek, Muqashev sý zańnamasyn buzýshylyqtardy anyqtaý boiynsha josparly tekserý barysynda tiisti sharalar qabyldamaǵany úshin Rýdnyi qalasyndaǵy baý-baqsha kooperativiniń tóraǵasynan 1,1 mln teńge para alǵan.
“Sot úkimimen oǵan memlekettik qyzmette jáne kvazimemlekettik sektor sýbektilerinde qyzmet atqarý quqyǵynan ómir boiyna aiyra otyryp, 33,3 mln teńge kóleminde aiyppul túrinde jaza taǵaiyndaldy”, – delingen habarlamada.
Úkim zańdy kúshine endi.
Eske salaiyq, buǵan deiin QMA-nyń Shyǵys Qazaqstan oblysy boiynsha departamenti “Azamattarǵa arnalǵan úkimet” KEAQ Óskemen qalasyndaǵy mamandandyrylǵan bóliminiń burynǵy basshysyna qatysty tergeýdi aiaqtaǵanyn habarlaǵan edik.
Antikor málimetinshe, tergeý nátijesinde 2023 jyldyń aqpan-qazan ailary aralyǵynda kúdiktiniń júrgizýshi kýáligin alý úshin jol qozǵalysy erejelerinen teoriialyq emtihan tapsyratyn azamattardan zańsyz syiaqy jinaý shemasyn uiymdastyrǵany anyqtaldy.
Agenttiktiń Follow the money qaǵidaty boiynsha júrgizilgen “Paralleldi qarjylyq tergeý” jobasy 32 mln teńgeden astam zańsyz tabysty áshkereledi. Tergeý barysynda kúdiktiniń banktegi jeke shotyna mobildi qosymsha arqyly syiaqy aýdarylǵany belgili boldy. Zańsyz kiristerdi jasyrý úshin ol óz shottary arasynda birneshe ret aýdarymdar jasaǵan.
Sonymen qatar, kúdikti qylmystyq jolmen alynǵan aqshaǵa Óskemen qalasynda eki bólmeli páter satyp alyp, ony anasynyń atyna rásimdegeni anyqtaldy. Keiin páterdi táýliktik jalǵa berý arqyly qosymsha 1,2 mln teńgeden astam tabys tapqan.
Sotqa deiingi tergeý bastalǵannan keiin kúdikti bul páterdi úshinshi tulǵalardyń atyna aýdaryp, tárkileýden jaltarmaq bolǵan.
Sot sheshimi boiynsha kúdikti kináli dep tanylyp, Óskemendegi eki bólmeli páteri (19,5 mln teńge kóleminde) memleketke tárkilendi. Sondai-aq oǵan 3 jyl bas bostandyǵyn shekteý jazasy taǵaiyndaldy.
