Qostanai oblysynda joǵalǵan 5 jasar qyzdyń denesi tabyldy
Qostanai oblysy politsiia departamentiniń málimetinshe, 5 jasar Mádina Erlanqyzy sýǵa batyp ketken.
Vedomstvonyń habarlaýynsha, balanyń denesi jasandy sý qoimasynan, dronnyń kómegimen tabylǵan. Qyzdyń denesin politsei Samat Eshanov pen erikti Damir Bekturǵan tapqan. Qazirgi tańda tergeý jumystary júrip jatyr.
Eske sala keteiik, Qostanai oblysynyń Jambyl aýylynda 7 tamyz kúni tańerteń bes jasar qyz joǵalyp ketti. Balany 18 ben 13 jastaǵy eki úlken ápkesi qarap qalǵan. Olar tańerteń oianǵanda kishi qyz úide joq ekenin baiqaǵan.
Balany 500-den astam adam úsh kún boiy izdedi. Izdeý jumystaryna eriktiler, janashyr azamattar, sondai-aq Ulttyq Ulan, ShQ, QR UQKD áskeri qyzmetshileri, kinologtar, politseiler, TJD jáne basqa da quqyq qorǵaý jáne arnaiy organdardyń qyzmetkerleri atsalysty.
Dalanews.kz redaktsiiasy Madina Erlanqyzynyń jaqyndaryna qaiǵyryp kóńil aitady
https://dalanews.kz/news/80266-5-zhasar-madinany-izdeu-egistikke-sharga
