قوستاناي وبلىسى پوليسيا دەپارتامەنتىنىڭ مالىمەتىنشە، 5 جاسار ءمادينا ەرلان قىزى سۋعا باتىپ كەتكەن.
ۆەدومستۆونىڭ حابارلاۋىنشا، بالانىڭ دەنەسى جاساندى سۋ قويماسىنان، دروننىڭ كومەگىمەن تابىلعان. قىزدىڭ دەنەسىن پوليسەي سامات ەشانوۆ پەن ەرىكتى دامير بەكتۇرعان تاپقان. قازىرگى تاڭدا تەرگەۋ جۇمىستارى ءجۇرىپ جاتىر.
ەسكە سالا كەتەيىك، قوستاناي وبلىسىنىڭ جامبىل اۋىلىندا 7 تامىز كۇنى تاڭەرتەڭ بەس جاسار قىز جوعالىپ كەتتى. بالانى 18 بەن 13 جاستاعى ەكى ۇلكەن اپكەسى قاراپ قالعان. ولار تاڭەرتەڭ ويانعاندا كىشى قىز ۇيدە جوق ەكەنىن بايقاعان.
بالانى 500-دەن استام ادام ءۇش كۇن بويى ىزدەدى. ىزدەۋ جۇمىستارىنا ەرىكتىلەر، جاناشىر ازاماتتار، سونداي-اق ۇلتتىق ۇلان، شق، ق ر ۇقكد اسكەري قىزمەتشىلەرى، كينولوگتار، پوليسەيلەر، تجد جانە باسقا دا قۇقىق قورعاۋ جانە ارنايى ورگانداردىڭ قىزمەتكەرلەرى اتسالىستى.
Dalanews.kz رەداكسياسى مادينا ەرلان قىزىنىڭ جاقىندارىنا قايعىرىپ كوڭىل ايتادى
https://dalanews.kz/news/80266-5-zhasar-madinany-izdeu-egistikke-sharga
