Qostanai jáne Qyzylorda áýejailary aviaotynǵa joǵary baǵa qoiǵany úshin aiyppul arqalady, dep habarlaidy Dalanews.kz.
Agenttik málimetinshe, eki áýejaiǵa aviaotynǵa monopoliialyq joǵary baǵa belgileý arqyly básekelestikti qorǵaý jónindegi zańnamany buzǵany úshin jaýapkershilik júkteldi.
Qostanai oblysynda Ahmet Baitursynuly atyndaǵy “Qostanai halyqaralyq áýejaiy” AQ ákimshilik jaýapkershilikke tartyldy. Sot 16,6 mln teńge mólsherinde aiyppul salyp, monopoliialyq tabysty tárkileý týraly sheshim shyǵardy.
Osyndai quqyqbuzýshylyqtar Qyzylorda oblysyndaǵy “Qorqyt ata áýejaiy” AQ qyzmetinde de anyqtaldy. Kásiporynǵa 7,3 mln teńge aiyppul salyndy. Sondai-aq 2,5 mln teńge kólemindegi monopoliialyq tabys tárkilendi. Budan bólek, nusqama aiasynda aviatúiin baǵasy QQS-syz 780 myń teńgeden 533,75 myń teńgege deiin tómendetildi.
