قوستاناي جەنە قىزىلوردا ەۋەجايلارى اۆياوتىنعا جوعارى باعا قويعانى ٷشٸن ايىپپۇل ارقالادى, دەپ حابارلايدى Dalanews.kz.
اگەنتتٸك مەلٸمەتٸنشە, ەكٸ ەۋەجايعا اۆياوتىنعا مونوپولييالىق جوعارى باعا بەلگٸلەۋ ارقىلى بەسەكەلەستٸكتٸ قورعاۋ جٶنٸندەگٸ زاڭنامانى بۇزعانى ٷشٸن جاۋاپكەرشٸلٸك جٷكتەلدٸ.
قوستاناي وبلىسىندا احمەت بايتۇرسىنۇلى اتىنداعى “قوستاناي حالىقارالىق ەۋەجايى” اق ەكٸمشٸلٸك جاۋاپكەرشٸلٸككە تارتىلدى. سوت 16,6 ملن تەڭگە مٶلشەرٸندە ايىپپۇل سالىپ, مونوپولييالىق تابىستى تەركٸلەۋ تۋرالى شەشٸم شىعاردى.
وسىنداي قۇقىقبۇزۋشىلىقتار قىزىلوردا وبلىسىنداعى “قورقىت اتا ەۋەجايى” اق قىزمەتٸندە دە انىقتالدى. كەسٸپورىنعا 7,3 ملن تەڭگە ايىپپۇل سالىندى. سونداي-اق 2,5 ملن تەڭگە كٶلەمٸندەگٸ مونوپولييالىق تابىس تەركٸلەندٸ. بۇدان بٶلەك, نۇسقاما اياسىندا اۆياتٷيٸن باعاسى ققس-سىز 780 مىڭ تەڭگەدەن 533,75 مىڭ تەڭگەگە دەيٸن تٶمەندەتٸلدٸ.
