Qostanaida qalalyq bilim bóliminiń basshysy Gúlsim Orazbaeva ustaldy. Prokýratýra málimetinshe, ol alaiaqtyq jasady degen kúdikke ilingen, dep habarlaidy dalanews.kz.
Bul is boiynsha tergeýdi Ulttyq qaýipsizdik komitetiniń qyzmetkerleri júrgizip jatyr. Tergeý nusqasyna sáikes bilim bóliminiń laýazymdy tulǵalary men ózge de kúdiktiler mektepterge bólingen biýdjet qarajatyn jymqyrǵan bolýy múmkin.
Qylmystyq is aiasynda kúdiktilerdiń jumys oryndary men úilerinde tintý júrgizilgen. Sol kúni bilim bóliminiń basshysy da ustalǵan.
Gúlsim Orazbaeva bilim salasynda kóp jyldan beri eńbek etkeni belgili. Ol eńbek jolyn muǵalim retinde bastap, qalalyq bilim bólimine aýysqan. Keiin osy mekemege jetekshilik etken.
