Qosshyda qańǵybas it qyz balaǵa shabýyl jasady: ol qashyp úlgerip, jeńil jaraqat alǵan. Qyzdyń qolynda shaǵyn gematoma bar, alaida áli kúnge deiin shok kúiinde qalyp, kóshege shyǵýdan qorqyp júr, dep habarlaidy Dalanews.kz Nayza Kokshe-ge silteme jasap.
Oqiǵa Altyn qazyq kóshesindegi № 6 úidiń aýlasynda boldy.
Basylym málimetinshe, qala turǵyndary áleýmettik jelilerde alańdatatyn oqiǵalardy bólisip jatyr.
«(It – red.) eki balanyń kúrtesin jyrtyp tastady. Erteń balalar mektepke barady, árkimniń birdei aparyp-ákelýge múmkindigi joq», – dep jazady ata-analar.
Turǵyndardyń aitýynsha, itter óte iri, al qashýǵa tyrysý olardyń «ashýyn» kúsheite túsedi.
Qala turǵyndary ýákiletti organdardan aldyn alý sharalaryn qabyldaýdy surap otyr: agressivti janýarlardy aýlaý, sondai-aq úi itterin chipteý jáne ieleriniń jaýapkershiligin kúsheitý. Veterinariia basqarmasyna joldanǵan hattarda turǵyndar «kámeletke tolmaǵandardyń ómiri men densaýlyǵyna tóngen qaýip faktisi boiynsha tekserý júrgizýdi» jáne «osyndai jaǵdailardyń qaitalanýyn boldyrmaý sharalaryn qabyldaýdy» talap etken.
Vedomstvonyń málimetinshe, qańǵybas janýarlardy aýlaý men chipteýge bólingen qarajat konkýrstyń nátijesi boiynsha 2025 jylǵy jeltoqsannyń basynda-aq igerilgen. Al 2026 jylǵa jańa konkýrstar ázirge jariialanbaǵan. Sonymen qatar, Qosshyda óz veterinariialyq stantsiiasy joq: barlyq veterinarlyq qyzmetter Tselinograd aýdany tarapynan kórsetiledi.
Sarapshylar jergilikti qyzmettiń joqtyǵy men resýrstardyń shekteýliligi, ásirese balalar úshin, turǵyndarǵa qaýip tóndiretinin atap ótti. Zooqorǵaý salasyndaǵy mamandardyń pikirinshe, qańǵybas itter máselesin oqiǵa bolǵannan keiin jekelegen sharalarmen sheshý múmkin emes. Materialda kórsetilgendei, júieli jumys qajet: turaqty aýlaý, janýarlardy ustaýdy baqylaý, chipteý jáne halyqty aqparattandyrý.
Qala turǵyndary vedomstvo jańa shabýyldardyń aldyn alý men balalardy qorǵaý naqty qalai josparlanyp otyrǵanyn túsindirýin kútýde. Al ázirge jaǵdai shielenisti kúiinde qalyp otyr: kóptegen ata-ana balalaryn eresekterdiń erip júrýinsiz kóshege shyǵarýǵa júreksinedi, delingen materialda.
