Búginde AEA-da QHR-men birlesip, «Qazaqstan-Qytaı halyqaralyq ónerkásip qalasy» ındýstrıaldy tehnopark qurylysynyń jobasy qolǵa alynǵan.
Aýmaǵy 1000 gektar bolatyn jobaǵa 330 mlrd teńge ınvestısıa tartylyp, 2 myńnan astam jumys orny ashylady. «Jobany jandandyrý týraly memorandým jasastyq, jyl sońyna deıin qurylystyń birinshi kezeńin bastaý josparlanyp otyr», – deıdi Beıbit Isabaev.
Spıkerdiń sózine súıensek, óńirdiń agrarlyq baǵytyn eskerip, AEA aýmaǵynda Qytaıdaǵy jańbyrlatyp sýarý júıesiniń iri óndirýshisi «VODAR» kompanıasy quny 20 mln dollar bolatyn ırrıgasıalyq qural-jabdyqtar shyǵaratyn zaýyt ashýdy josparlap otyr. Alǵashqy jelisi bıylǵy jyly iske qosylady.
![](/uploads/images/20240127154922317.jpg)
Eske salsaq, 3 jyldyq úzilisten keıin «Qorǵas» HSHYO óz jumysyn qaıta bastaǵan bolatyn. Jumys rejımine ózgerister engizilip, taýar tasymaldaýdyń jańa normalary bekitilgen. Qazirgi kezde Úkimettiń qaýlysymen «Qorǵas» HSHYO ákimdik balansyna berildi.