بٷگٸندە اەا-دا قحر-مەن بٸرلەسٸپ, «قازاقستان-قىتاي حالىقارالىق ٶنەركەسٸپ قالاسى» يندۋستريالدى تەحنوپارك قۇرىلىسىنىڭ جوباسى قولعا الىنعان.
اۋماعى 1000 گەكتار بولاتىن جوباعا 330 ملرد تەڭگە ينۆەستيتسييا تارتىلىپ, 2 مىڭنان استام جۇمىس ورنى اشىلادى. «جوبانى جانداندىرۋ تۋرالى مەموراندۋم جاساستىق, جىل سوڭىنا دەيٸن قۇرىلىستىڭ بٸرٸنشٸ كەزەڭٸن باستاۋ جوسپارلانىپ وتىر», – دەيدٸ بەيبٸت يساباەۆ.
سپيكەردٸڭ سٶزٸنە سٷيەنسەك, ٶڭٸردٸڭ اگرارلىق باعىتىن ەسكەرٸپ, اەا اۋماعىندا قىتايداعى جاڭبىرلاتىپ سۋارۋ جٷيەسٸنٸڭ ٸرٸ ٶندٸرۋشٸسٸ «VODAR» كومپانيياسى قۇنى 20 ملن دوللار بولاتىن يرريگاتسييالىق قۇرال-جابدىقتار شىعاراتىن زاۋىت اشۋدى جوسپارلاپ وتىر. العاشقى جەلٸسٸ بيىلعى جىلى ٸسكە قوسىلادى.
ەسكە سالساق, 3 جىلدىق ٷزٸلٸستەن كەيٸن «قورعاس» حشىو ٶز جۇمىسىن قايتا باستاعان بولاتىن. جۇمىس رەجيمٸنە ٶزگەرٸستەر ەنگٸزٸلٸپ, تاۋار تاسىمالداۋدىڭ جاڭا نورمالارى بەكٸتٸلگەن. قازٸرگٸ كەزدە ٷكٸمەتتٸڭ قاۋلىسىمەن «قورعاس» حشىو ەكٸمدٸك بالانسىنا بەرٸلدٸ.
